1 vnumber="1"> בני יהודה פרץ חצרון וכרמי וחור ושובל
2 vnumber="2"> וראיה בן שובל הליד את יחת ויחת הליד את אחומי ואת להד אלה משפחות הצרעתי {ס}
3 vnumber="3"> ואלה אבי עיטם יזרעאל וישמא וידבש ושם אחותם הצללפוני
4 vnumber="4"> ופנואל אבי גדר ועזר אבי חושה אלה בני חור בכור אפרתה אבי בית לחם
5 vnumber="5"> ולאשחור אבי תקוע היו שתי נשים חלאה ונערה
6 vnumber="6"> ותלד לו נערה את אחזם ואת חפר ואת תימני ואת האחשתרי אלה בני נערה
7 vnumber="7"> ובני חלאה--צרת יצחר (וצחר) ואתנן
8 vnumber="8"> וקוץ הוליד את ענוב ואת הצבבה ומשפחת אחרחל בן הרום
9 vnumber="9"> ויהי יעבץ נכבד מאחיו ואמו קראה שמו יעבץ לאמר כי ילדתי בעצב
10 vnumber="10"> ויקרא יעבץ לאלהי ישראל לאמר אם ברך תברכני והרבית את גבולי והיתה ידך עמי ועשית מרעה לבלתי עצבי--ויבא אלהים את אשר שאל {ס}
11 vnumber="11"> וכלוב אחי שוחה הוליד את מחיר הוא אבי אשתון
12 vnumber="12"> ואשתון הוליד את בית רפא ואת פסח ואת תחנה אבי עיר נחש אלה אנשי רכה {ס}
13 vnumber="13"> ובני קנז עתניאל ושריה ובני עתניאל חתת
14 vnumber="14"> ומעונתי הוליד את עפרה ושריה הוליד את יואב אבי גיא חרשים--כי חרשים היו {פ} br
art="x-p"/>
15 vnumber="15"> ובני כלב בן יפנה עירו אלה ונעם ובני אלה וקנז
16 vnumber="16"> ובני יהללאל--זיף וזיפה תיריא ואשראל
17 vnumber="17"> ובן עזרה--יתר ומרד ועפר וילון ותהר את מרים ואת שמי ואת ישבח אבי אשתמע
18 vnumber="18"> ואשתו היהדיה ילדה את ירד אבי גדור ואת חבר אבי שוכו ואת יקותיאל אבי זנוח ואלה בני בתיה בת פרעה אשר לקח מרד {ס}
19 vnumber="19"> ובני אשת הודיה--אחות נחם אבי קעילה הגרמי ואשתמע המעכתי
20 vnumber="20"> ובני שימון--אמנון ורנה בן חנן ותולון (ותילון) ובני ישעי זוחת ובן זוחת
21 vnumber="21"> בני שלה בן יהודה--ער אבי לכה ולעדה אבי מרשה ומשפחות בית עבדת הבץ לבית אשבע
22 vnumber="22"> ויוקים ואנשי כזבא ויואש ושרף אשר בעלו למואב--וישבי לחם והדברים עתיקים
23 vnumber="23"> המה היוצרים וישבי נטעים וגדרה עם המלך במלאכתו ישבו שם {ס}
24 vnumber="24"> בני שמעון נמואל וימין יריב זרח שאול
25 vnumber="25"> שלם בנו מבשם בנו משמע בנו
26 vnumber="26"> ובני משמע--חמואל בנו זכור בנו שמעי בנו
27 vnumber="27"> ולשמעי בנים ששה עשר ובנות שש ולאחיו אין בנים רבים וכל משפחתם לא הרבו עד בני יהודה {ס}
28 vnumber="28"> וישבו בבאר שבע ומולדה וחצר שועל
29 vnumber="29"> ובבלהה ובעצם ובתולד
30 vnumber="30"> ובבתואל ובחרמה ובציקלג
31 vnumber="31"> ובבית מרכבות ובחצר סוסים ובבית בראי ובשערים אלה עריהם עד מלך דויד
32 vnumber="32"> וחצריהם עיטם ועין רמון ותכן ועשן ערים חמש
33 vnumber="33"> וכל חצריהם אשר סביבות הערים האלה--עד בעל {ס} זאת מושבתם והתיחשם להם
34 vnumber="34"> ומשובב וימלך ויושה בן אמציה
35 vnumber="35"> ויואל ויהוא בן יושביה בן שריה בן עשיאל
36 vnumber="36"> ואליועיני ויעקבה וישוחיה ועשיה ועדיאל וישימאל--ובניה
37 vnumber="37"> וזיזא בן שפעי בן אלון בן ידיה בן שמרי בן שמעיה
38 vnumber="38"> אלה הבאים בשמות נשיאים במשפחותם ובית אבותיהם פרצו לרוב
39 vnumber="39"> וילכו למבוא גדר עד למזרח הגיא לבקש מרעה לצאנם
40 vnumber="40"> וימצאו מרעה שמן וטוב והארץ רחבת ידים ושקטת ושלוה כי מן חם הישבים שם לפנים
41 vnumber="41"> ויבאו אלה הכתובים בשמות בימי יחזקיהו מלך יהודה ויכו את אהליהם ואת המעינים (המעונים) אשר נמצאו שמה ויחרימם עד היום הזה וישבו תחתיהם כי מרעה לצאנם שם
42 vnumber="42"> ומהם מן בני שמעון הלכו להר שעיר אנשים חמש מאות ופלטיה ונעריה ורפיה ועזיאל בני ישעי--בראשם
43 vnumber="43"> ויכו את שארית הפלטה לעמלק וישבו שם עד היום הזה {פ} br
art="x-p"/>