1 vnumber="1"> ויאמר אליהו התשבי מתשבי גלעד אל אחאב חי יהוה אלהי ישראל אשר עמדתי לפניו אם יהיה השנים האלה טל ומטר--כי אם לפי דברי {ס}
art="x-p"/>
2 vnumber="2"> ויהי דבר יהוה אליו לאמר
3 vnumber="3"> לך מזה ופנית לך קדמה ונסתרת בנחל כרית אשר על פני הירדן
4 vnumber="4"> והיה מהנחל תשתה ואת הערבים צויתי לכלכלך שם
5 vnumber="5"> וילך ויעש כדבר יהוה וילך וישב בנחל כרית אשר על פני הירדן
6 vnumber="6"> והערבים מבאים לו לחם ובשר בבקר ולחם ובשר בערב ומן הנחל ישתה
7 vnumber="7"> ויהי מקץ ימים וייבש הנחל כי לא היה גשם בארץ {ס}
art="x-p"/>
8 vnumber="8"> ויהי דבר יהוה אליו לאמר
9 vnumber="9"> קום לך צרפתה אשר לצידון וישבת שם הנה צויתי שם אשה אלמנה לכלכלך
10 vnumber="10"> ויקם וילך צרפתה ויבא אל פתח העיר והנה שם אשה אלמנה מקששת עצים ויקרא אליה ויאמר קחי נא לי מעט מים בכלי ואשתה
11 vnumber="11"> ותלך לקחת ויקרא אליה ויאמר לקחי נא לי פת לחם בידך
12 vnumber="12"> ותאמר חי יהוה אלהיך אם יש לי מעוג כי אם מלא כף קמח בכד ומעט שמן בצפחת והנני מקששת שנים עצים ובאתי ועשיתיהו לי ולבני ואכלנהו ומתנו
13 vnumber="13"> ויאמר אליה אליהו אל תיראי באי עשי כדברך אך עשי לי משם עגה קטנה בראשנה והוצאת לי ולך ולבנך תעשי באחרנה
14 vnumber="14"> כי כה אמר יהוה אלהי ישראל כד הקמח לא תכלה וצפחת השמן לא תחסר עד יום תתן (תת) יהוה גשם--על פני האדמה
15 vnumber="15"> ותלך ותעשה כדבר אליהו ותאכל הוא והיא (היא והוא) וביתה ימים
16 vnumber="16"> כד הקמח לא כלתה וצפחת השמן לא חסר--כדבר יהוה אשר דבר ביד אליהו {פ}
art="x-p"/>
17 vnumber="17"> ויהי אחר הדברים האלה חלה בן האשה בעלת הבית ויהי חליו חזק מאד עד אשר לא נותרה בו נשמה
18 vnumber="18"> ותאמר אל אליהו מה לי ולך איש האלהים באת אלי להזכיר את עוני ולהמית את בני
19 vnumber="19"> ויאמר אליה תני לי את בנך ויקחהו מחיקה ויעלהו אל העליה אשר הוא ישב שם וישכבהו על מטתו
20 vnumber="20"> ויקרא אל יהוה ויאמר יהוה אלהי--הגם על האלמנה אשר אני מתגורר עמה הרעות להמית את בנה
21 vnumber="21"> ויתמדד על הילד שלש פעמים ויקרא אל יהוה ויאמר יהוה אלהי תשב נא נפש הילד הזה על קרבו
22 vnumber="22"> וישמע יהוה בקול אליהו ותשב נפש הילד על קרבו ויחי
23 vnumber="23"> ויקח אליהו את הילד וירדהו מן העליה הביתה ויתנהו לאמו ויאמר אליהו ראי חי בנך
24 vnumber="24"> ותאמר האשה אל אליהו עתה זה ידעתי כי איש אלהים אתה ודבר יהוה בפיך אמת {פ}
art="x-p"/>