1 vnumber="1"> וישלח חירם (חורם) מלך צר מלאכים אל דויד ועצי ארזים וחרשי קיר וחרשי עצים--לבנות לו בית
2 vnumber="2"> וידע דויד כי הכינו יהוה למלך על ישראל כי נשאת למעלה מלכותו בעבור עמו ישראל {ס}
3 vnumber="3"> ויקח דויד עוד נשים בירושלם ויולד דויד עוד בנים ובנות
4 vnumber="4"> ואלה שמות הילודים אשר היו לו בירושלם שמוע ושובב נתן ושלמה
5 vnumber="5"> ויבחר ואלישוע ואלפלט
6 vnumber="6"> ונגה ונפג ויפיע
7 vnumber="7"> ואלישמע ובעלידע ואליפלט {פ} br
art="x-p"/>
8 vnumber="8"> וישמעו פלשתים כי נמשח דויד למלך על כל ישראל ויעלו כל פלשתים לבקש את דויד וישמע דויד ויצא לפניהם
9 vnumber="9"> ופלשתים באו ויפשטו בעמק רפאים
10 vnumber="10"> וישאל דויד באלהים לאמר--האעלה על פלשתיים (פלשתים) ונתתם בידי ויאמר לו יהוה עלה ונתתים בידך
11 vnumber="11"> ויעלו בבעל פרצים ויכם שם דויד ויאמר דויד פרץ האלהים את אויבי בידי כפרץ מים על כן קראו שם המקום ההוא--בעל פרצים
12 vnumber="12"> ויעזבו שם את אלהיהם ויאמר דויד וישרפו באש {פ} br
art="x-p"/>
13 vnumber="13"> ויסיפו עוד פלשתים ויפשטו בעמק
14 vnumber="14"> וישאל עוד דויד באלהים ויאמר לו האלהים לא תעלה אחריהם הסב מעליהם ובאת להם ממול הבכאים
15 vnumber="15"> ויהי כשמעך את קול הצעדה בראשי הבכאים--אז תצא במלחמה כי יצא האלהים לפניך להכות את מחנה פלשתים
16 vnumber="16"> ויעש דויד כאשר צוהו האלהים ויכו את מחנה פלשתים מגבעון ועד גזרה
17 vnumber="17"> ויצא שם דויד בכל הארצות ויהוה נתן את פחדו על כל הגוים
art="x-p"/>