1 vnumber="1"> ויהי כאשר ישב דויד בביתו ויאמר דויד אל נתן הנביא הנה אנכי יושב בבית הארזים וארון ברית יהוה תחת יריעות
2 vnumber="2"> ויאמר נתן אל דויד כל אשר בלבבך עשה כי האלהים עמך {ס}
3 vnumber="3"> ויהי בלילה ההוא ויהי דבר אלהים אל נתן לאמר
4 vnumber="4"> לך ואמרת אל דויד עבדי כה אמר יהוה לא אתה תבנה לי הבית לשבת
5 vnumber="5"> כי לא ישבתי בבית מן היום אשר העליתי את ישראל עד היום הזה ואהיה מאהל אל אהל וממשכן
6 vnumber="6"> בכל אשר התהלכתי בכל ישראל הדבר דברתי את אחד שפטי ישראל אשר צויתי לרעות את עמי לאמר למה לא בניתם לי בית ארזים
7 vnumber="7"> ועתה כה תאמר לעבדי לדויד {ס} כה אמר יהוה צבאות אני לקחתיך מן הנוה מן אחרי הצאן--להיות נגיד על עמי ישראל
8 vnumber="8"> ואהיה עמך בכל אשר הלכת ואכרית את כל אויביך מפניך ועשיתי לך שם כשם הגדולים אשר בארץ
9 vnumber="9"> ושמתי מקום לעמי ישראל ונטעתיהו ושכן תחתיו ולא ירגז עוד ולא יוסיפו בני עולה לבלתו כאשר בראשונה
10 vnumber="10"> ולמימים אשר צויתי שפטים על עמי ישראל והכנעתי את כל אויביך ואגד לך ובית יבנה לך יהוה
11 vnumber="11"> והיה כי מלאו ימיך ללכת עם אבתיך והקימותי את זרעך אחריך אשר יהיה מבניך והכינותי את מלכותו
12 vnumber="12"> הוא יבנה לי בית וכננתי את כסאו עד עולם
13 vnumber="13"> אני אהיה לו לאב והוא יהיה לי לבן וחסדי לא אסיר מעמו כאשר הסירותי מאשר היה לפניך
14 vnumber="14"> והעמדתיהו בביתי ובמלכותי עד העולם וכסאו יהיה נכון עד עולם
15 vnumber="15"> ככל הדברים האלה וככל החזון הזה--כן דבר נתן אל דויד {פ} br
art="x-p"/>
16 vnumber="16"> ויבא המלך דויד וישב לפני יהוה ויאמר מי אני יהוה אלהים ומי ביתי כי הביאתני עד הלם
17 vnumber="17"> ותקטן זאת בעיניך אלהים ותדבר על בית עבדך למרחוק וראיתני כתור האדם המעלה--יהוה אלהים
18 vnumber="18"> מה יוסיף עוד דויד אליך לכבוד את עבדך ואתה את עבדך ידעת
19 vnumber="19"> יהוה--בעבור עבדך וכלבך עשית את כל הגדולה הזאת להדיע את כל הגדלות
20 vnumber="20"> יהוה אין כמוך ואין אלהים זולתך בכל אשר שמענו באזנינו
21 vnumber="21"> ומי כעמך ישראל גוי אחד בארץ אשר הלך האלהים לפדות לו עם לשום לך שם גדלות ונראות--לגרש מפני עמך אשר פדית ממצרים גוים
22 vnumber="22"> ותתן את עמך ישראל לך לעם--עד עולם ואתה יהוה היית להם לאלהים
23 vnumber="23"> ועתה יהוה--הדבר אשר דברת על עבדך ועל ביתו יאמן עד עולם ועשה כאשר דברת
24 vnumber="24"> ויאמן ויגדל שמך עד עולם לאמר--יהוה צבאות אלהי ישראל אלהים לישראל ובית דויד עבדך נכון לפניך
25 vnumber="25"> כי אתה אלהי גלית את אזן עבדך לבנות לו בית על כן מצא עבדך להתפלל לפניך
26 vnumber="26"> ועתה יהוה אתה הוא האלהים ותדבר על עבדך הטובה הזאת
27 vnumber="27"> ועתה הואלת לברך את בית עבדך להיות לעולם לפניך כי אתה יהוה ברכת ומברך לעולם {פ} br
art="x-p"/>