1 vnumber="1"> ויהי ככלתו לדבר אל שאול ונפש יהונתן נקשרה בנפש דוד ויאהבו (ויאהבהו) יהונתן כנפשו
2 vnumber="2"> ויקחהו שאול ביום ההוא ולא נתנו לשוב בית אביו
3 vnumber="3"> ויכרת יהונתן ודוד ברית באהבתו אתו כנפשו
4 vnumber="4"> ויתפשט יהונתן את המעיל אשר עליו ויתנהו לדוד ומדיו ועד חרבו ועד קשתו ועד חגרו
5 vnumber="5"> ויצא דוד בכל אשר ישלחנו שאול ישכיל וישמהו שאול על אנשי המלחמה וייטב בעיני כל העם וגם בעיני עבדי שאול {פ}
art="x-p"/>
6 vnumber="6"> ויהי בבואם בשוב דוד מהכות את הפלשתי ותצאנה הנשים מכל ערי ישראל לשור (לשיר) והמחלות לקראת שאול המלך--בתפים בשמחה ובשלשים
7 vnumber="7"> ותענינה הנשים המשחקות ותאמרן הכה שאול באלפו ודוד ברבבתיו
8 vnumber="8"> ויחר לשאול מאד וירע בעיניו הדבר הזה ויאמר נתנו לדוד רבבות ולי נתנו האלפים ועוד לו אך המלוכה
9 vnumber="9"> ויהי שאול עון (עוין) את דוד מהיום ההוא והלאה {ס}
art="x-p"/>
10 vnumber="10"> ויהי ממחרת ותצלח רוח אלהים רעה אל שאול ויתנבא בתוך הבית ודוד מנגן בידו כיום ביום והחנית ביד שאול
11 vnumber="11"> ויטל שאול את החנית ויאמר אכה בדוד ובקיר ויסב דוד מפניו פעמים
12 vnumber="12"> וירא שאול מלפני דוד כי היה יהוה עמו ומעם שאול סר
13 vnumber="13"> ויסרהו שאול מעמו וישמהו לו שר אלף ויצא ויבא לפני העם {ס}
art="x-p"/>
14 vnumber="14"> ויהי דוד לכל דרכו משכיל ויהוה עמו
15 vnumber="15"> וירא שאול אשר הוא משכיל מאד ויגר מפניו
16 vnumber="16"> וכל ישראל ויהודה אהב את דוד כי הוא יוצא ובא לפניהם {פ}
art="x-p"/>
17 vnumber="17"> ויאמר שאול אל דוד הנה בתי הגדולה מרב אתה אתן לך לאשה--אך היה לי לבן חיל והלחם מלחמות יהוה ושאול אמר אל תהי ידי בו ותהי בו יד פלשתים {ס}
art="x-p"/>
18 vnumber="18"> ויאמר דוד אל שאול מי אנכי ומי חיי משפחת אבי בישראל--כי אהיה חתן למלך
19 vnumber="19"> ויהי בעת תת את מרב בת שאול--לדוד והיא נתנה לעדריאל המחלתי לאשה
20 vnumber="20"> ותאהב מיכל בת שאול את דוד ויגדו לשאול וישר הדבר בעיניו
21 vnumber="21"> ויאמר שאול אתננה לו ותהי לו למוקש ותהי בו יד פלשתים ויאמר שאול אל דוד בשתים תתחתן בי היום
22 vnumber="22"> ויצו שאול את עבדו דברו אל דוד בלט לאמר הנה חפץ בך המלך וכל עבדיו אהבוך ועתה התחתן במלך
23 vnumber="23"> וידברו עבדי שאול באזני דוד את הדברים האלה ויאמר דוד הנקלה בעיניכם התחתן במלך ואנכי איש רש ונקלה
24 vnumber="24"> ויגדו עבדי שאול לו--לאמר כדברים האלה דבר דוד
25 vnumber="25"> ויאמר שאול כה תאמרו לדוד אין חפץ למלך במהר כי במאה ערלות פלשתים להנקם באיבי המלך ושאול חשב להפיל את דוד ביד פלשתים
26 vnumber="26"> ויגדו עבדיו לדוד את הדברים האלה וישר הדבר בעיני דוד להתחתן במלך ולא מלאו הימים
27 vnumber="27"> ויקם דוד וילך הוא ואנשיו ויך בפלשתים מאתים איש ויבא דוד את ערלתיהם וימלאום למלך להתחתן במלך ויתן לו שאול את מיכל בתו לאשה {ס}
art="x-p"/>
28 vnumber="28"> וירא שאול וידע כי יהוה עם דוד ומיכל בת שאול אהבתהו
29 vnumber="29"> ויאסף שאול לרא מפני דוד--עוד ויהי שאול איב את דוד כל הימים {פ}
art="x-p"/>
30 vnumber="30"> ויצאו שרי פלשתים ויהי מדי צאתם שכל דוד מכל עבדי שאול וייקר שמו מאד {ס}
art="x-p"/>