1 vnumber="1"> וישכב יהושפט עם אבתיו ויקבר עם אבתיו בעיר דויד וימלך יהורם בנו תחתיו
2 vnumber="2"> ולו אחים בני יהושפט עזריה ויחיאל וזכריהו ועזריהו ומיכאל ושפטיהו כל אלה בני יהושפט מלך ישראל
3 vnumber="3"> ויתן להם אביהם מתנות רבות לכסף ולזהב ולמגדנות עם ערי מצרות ביהודה ואת הממלכה נתן ליהורם כי הוא הבכור {פ} br
art="x-p"/>
4 vnumber="4"> ויקם יהורם על ממלכת אביו ויתחזק ויהרג את כל אחיו בחרב וגם משרי ישראל
5 vnumber="5"> בן שלשים ושתים שנה יהורם במלכו ושמונה שנים מלך בירושלם
6 vnumber="6"> וילך בדרך מלכי ישראל כאשר עשו בית אחאב--כי בת אחאב היתה לו אשה ויעש הרע בעיני יהוה
7 vnumber="7"> ולא אבה יהוה להשחית את בית דויד--למען הברית אשר כרת לדויד וכאשר אמר לתת לו ניר ולבניו--כל הימים
8 vnumber="8"> בימיו פשע אדום מתחת יד יהודה וימליכו עליהם מלך
9 vnumber="9"> ויעבר יהורם עם שריו וכל הרכב עמו ויהי קם לילה ויך את אדום הסובב אליו ואת שרי הרכב
10 vnumber="10"> ויפשע אדום מתחת יד יהודה עד היום הזה--אז תפשע לבנה בעת ההיא מתחת ידו כי עזב את יהוה אלהי אבתיו
11 vnumber="11"> גם הוא עשה במות בהרי יהודה ויזן את ישבי ירושלם וידח את יהודה {פ} br
art="x-p"/>
12 vnumber="12"> ויבא אליו מכתב מאליהו הנביא לאמר כה אמר יהוה אלהי דויד אביך--תחת אשר לא הלכת בדרכי יהושפט אביך ובדרכי אסא מלך יהודה
13 vnumber="13"> ותלך בדרך מלכי ישראל ותזנה את יהודה ואת ישבי ירושלם כהזנות בית אחאב וגם את אחיך בית אביך הטובים ממך הרגת
14 vnumber="14"> הנה יהוה נגף מגפה גדולה--בעמך ובבניך ובנשיך ובכל רכושך
15 vnumber="15"> ואתה בחליים רבים במחלה מעיך עד יצאו מעיך מן החלי ימים על ימים
16 vnumber="16"> ויער יהוה על יהורם את רוח הפלשתים והערבים אשר על יד כושים
17 vnumber="17"> ויעלו ביהודה ויבקעוה וישבו את כל הרכוש הנמצא לבית המלך וגם בניו ונשיו ולא נשאר לו בן כי אם יהואחז קטן בניו
18 vnumber="18"> ואחרי כל זאת--נגפו יהוה במעיו לחלי לאין מרפא
19 vnumber="19"> ויהי לימים מימים וכעת צאת הקץ לימים שנים יצאו מעיו עם חליו וימת בתחלאים רעים ולא עשו לו עמו שרפה כשרפת אבתיו
20 vnumber="20"> בן שלשים ושתים היה במלכו ושמונה שנים מלך בירושלם וילך בלא חמדה ויקברהו בעיר דויד ולא בקברות המלכים
art="x-p"/>