1 vnumber="1"> ויבא רחבעם ירושלם ויקהל את בית יהודה ובנימן מאה ושמונים אלף בחור עשה מלחמה--להלחם עם ישראל להשיב את הממלכה לרחבעם {פ} br
art="x-p"/>
2 vnumber="2"> ויהי דבר יהוה אל שמעיהו איש האלהים לאמר
3 vnumber="3"> אמר אל רחבעם בן שלמה מלך יהודה--ואל כל ישראל ביהודה ובנימן לאמר
4 vnumber="4"> כה אמר יהוה לא תעלו ולא תלחמו עם אחיכם שובו איש לביתו--כי מאתי נהיה הדבר הזה וישמעו את דברי יהוה וישבו מלכת אל ירבעם {פ} br
art="x-p"/>
5 vnumber="5"> וישב רחבעם בירושלם ויבן ערים למצור ביהודה
6 vnumber="6"> ויבן את בית לחם ואת עיטם ואת תקוע
7 vnumber="7"> ואת בית צור ואת שוכו ואת עדלם
8 vnumber="8"> ואת גת ואת מרשה ואת זיף
9 vnumber="9"> ואת אדורים ואת לכיש ואת עזקה
10 vnumber="10"> ואת צרעה ואת אילון ואת חברון אשר ביהודה ובבנימן ערי מצרות
11 vnumber="11"> ויחזק את המצורות ויתן בהם נגידים ואצרות מאכל ושמן ויין
12 vnumber="12"> ובכל עיר ועיר צנות ורמחים ויחזקם להרבה מאד ויהי לו יהודה ובנימן {ס}
13 vnumber="13"> והכהנים והלוים אשר בכל ישראל--התיצבו עליו מכל גבולם
14 vnumber="14"> כי עזבו הלוים את מגרשיהם ואחזתם וילכו ליהודה ולירושלם כי הזניחם ירבעם ובניו מכהן ליהוה
15 vnumber="15"> ויעמד לו כהנים לבמות ולשעירים ולעגלים אשר עשה
16 vnumber="16"> ואחריהם מכל שבטי ישראל הנתנים את לבבם לבקש את יהוה אלהי ישראל--באו ירושלם לזבוח ליהוה אלהי אבותיהם
17 vnumber="17"> ויחזקו את מלכות יהודה ויאמצו את רחבעם בן שלמה לשנים שלוש כי הלכו בדרך דויד ושלמה--לשנים שלוש
18 vnumber="18"> ויקח לו רחבעם אשה--את מחלת בן (בת) ירימות בן דויד אביהיל בת אליאב בן ישי
19 vnumber="19"> ותלד לו בנים--את יעוש ואת שמריה ואת זהם
20 vnumber="20"> ואחריה לקח את מעכה בת אבשלום ותלד לו את אביה ואת עתי ואת זיזא ואת שלמית
21 vnumber="21"> ויאהב רחבעם את מעכה בת אבשלום מכל נשיו ופילגשיו--כי נשים שמונה עשרה נשא ופילגשים ששים ויולד עשרים ושמונה בנים--וששים בנות
22 vnumber="22"> ויעמד לראש רחבעם את אביה בן מעכה לנגיד באחיו--כי להמליכו
23 vnumber="23"> ויבן ויפרץ מכל בניו לכל ארצות יהודה ובנימן לכל ערי המצרות ויתן להם המזון לרב וישאל המון נשים
art="x-p"/>