1 vnumber="1"> ויעש אסא הטוב והישר בעיני יהוה אלהיו
2 vnumber="2"> ויסר את מזבחות הנכר והבמות וישבר את המצבות ויגדע את האשרים
3 vnumber="3"> ויאמר ליהודה לדרוש את יהוה אלהי אבותיהם--ולעשות התורה והמצוה
4 vnumber="4"> ויסר מכל ערי יהודה את הבמות ואת החמנים ותשקט הממלכה לפניו
5 vnumber="5"> ויבן ערי מצורה ביהודה כי שקטה הארץ ואין עמו מלחמה בשנים האלה--כי הניח יהוה לו
6 vnumber="6"> ויאמר ליהודה נבנה את הערים האלה ונסב חומה ומגדלים דלתים ובריחים עודנו הארץ לפנינו כי דרשנו את יהוה אלהינו דרשנו וינח לנו מסביב ויבנו ויצליחו {פ} br
art="x-p"/>
7 vnumber="7"> ויהי לאסא חיל נשא צנה ורמח מיהודה שלש מאות אלף {ס} ומבנימן נשאי מגן ודרכי קשת מאתים ושמונים אלף כל אלה גבורי חיל
8 vnumber="8"> ויצא אליהם זרח הכושי בחיל אלף אלפים ומרכבות שלש מאות ויבא עד מרשה
9 vnumber="9"> ויצא אסא לפניו ויערכו מלחמה בגיא צפתה למרשה
10 vnumber="10"> ויקרא אסא אל יהוה אלהיו ויאמר יהוה אין עמך לעזר בין רב לאין כח עזרנו יהוה אלהינו כי עליך נשענו ובשמך באנו על ההמון הזה יהוה אלהינו אתה אל יעצר עמך אנוש {ס}
11 vnumber="11"> ויגף יהוה את הכושים לפני אסא ולפני יהודה וינסו הכושים
12 vnumber="12"> וירדפם אסא והעם אשר עמו עד לגרר ויפל מכושים לאין להם מחיה כי נשברו לפני יהוה ולפני מחנהו וישאו שלל הרבה מאד
13 vnumber="13"> ויכו את כל הערים סביבות גרר--כי היה פחד יהוה עליהם ויבזו את כל הערים כי בזה רבה היתה בהם
14 vnumber="14"> וגם אהלי מקנה הכו וישבו צאן לרב וגמלים וישבו ירושלם {ס}
art="x-p"/>