1 vnumber="1"> css="font-weight:bold"> א בן עשרים שנה אחז במלכו ושש עשרה שנה מלך בירושלם ולא עשה הישר בעיני יהוה כדויד אביו
2 vnumber="2"> css="font-weight:bold"> ב וילך בדרכי מלכי ישראל וגם מסכות עשה לבעלים
3 vnumber="3"> css="font-weight:bold"> ג והוא הקטיר בגיא בן הנם ויבער את בניו באש כתעבות הגוים אשר הריש יהוה מפני בני ישראל
4 vnumber="4"> css="font-weight:bold"> ד ויזבח ויקטר בבמות ועל הגבעות ותחת כל עץ רענן
5 vnumber="5"> css="font-weight:bold"> ה ויתנהו יהוה אלהיו ביד מלך ארם ויכו בו וישבו ממנו שביה גדולה ויביאו דרמשק וגם ביד מלך ישראל נתן ויך בו מכה גדולה {ס}
6 vnumber="6"> css="font-weight:bold"> ו ויהרג פקח בן רמליהו ביהודה מאה ועשרים אלף ביום אחד--הכל בני חיל בעזבם את יהוה אלהי אבותם
7 vnumber="7"> css="font-weight:bold"> ז ויהרג זכרי גבור אפרים את מעשיהו בן המלך ואת עזריקם נגיד הבית ואת אלקנה משנה המלך {ס}
8 vnumber="8"> css="font-weight:bold"> ח וישבו בני ישראל מאחיהם מאתים אלף נשים בנים ובנות וגם שלל רב בזזו מהם ויביאו את השלל לשמרון {ס}
9 vnumber="9"> css="font-weight:bold"> ט ושם היה נביא ליהוה עדד שמו ויצא לפני הצבא הבא לשמרון ויאמר להם הנה בחמת יהוה אלהי אבותיכם על יהודה נתנם בידכם ותהרגו בם בזעף עד לשמים הגיע
10 vnumber="10"> css="font-weight:bold"> י ועתה בני יהודה וירושלם אתם אמרים לכבש לעבדים ולשפחות לכם הלא רק אתם עמכם אשמות ליהוה אלהיכם
11 vnumber="11"> css="font-weight:bold"> יא ועתה שמעוני--והשיבו השביה אשר שביתם מאחיכם כי חרון אף יהוה עליכם {ס}
12 vnumber="12"> css="font-weight:bold"> יב ויקמו אנשים מראשי בני אפרים עזריהו בן יהוחנן ברכיהו בן משלמות ויחזקיהו בן שלם ועמשא בן חדלי--על הבאים מן הצבא
13 vnumber="13"> css="font-weight:bold"> יג ויאמרו להם לא תביאו את השביה הנה--כי לאשמת יהוה עלינו אתם אמרים להסיף על חטאתנו ועל אשמתנו כי רבה אשמה לנו וחרון אף על ישראל {ס}
14 vnumber="14"> css="font-weight:bold"> יד ויעזב החלוץ את השביה ואת הבזה לפני השרים וכל הקהל
15 vnumber="15"> css="font-weight:bold"> טו ויקמו האנשים אשר נקבו בשמות ויחזיקו בשביה וכל מערמיהם הלבישו מן השלל וילבשם וינעלום ויאכלום וישקום ויסכום וינהלום בחמרים לכל כושל ויביאום ירחו עיר התמרים אצל אחיהם וישובו שמרון {פ} br art="x-p"/>
16 vnumber="16"> css="font-weight:bold"> טז בעת ההיא שלח המלך אחז על מלכי אשור--לעזר לו
17 vnumber="17"> css="font-weight:bold"> יז ועוד אדומים באו ויכו ביהודה וישבו שבי
18 vnumber="18"> css="font-weight:bold"> יח ופלשתים פשטו בערי השפלה והנגב ליהודה וילכדו את בית שמש ואת אילון ואת הגדרות ואת שוכו ובנותיה ואת תמנה ובנותיה ואת גמזו ואת בנתיה וישבו שם
19 vnumber="19"> css="font-weight:bold"> יט כי הכניע יהוה את יהודה בעבור אחז מלך ישראל כי הפריע ביהודה ומעול מעל ביהוה
20 vnumber="20"> css="font-weight:bold"> כ ויבא עליו תלגת פלנאסר מלך אשור ויצר לו ולא חזקו
21 vnumber="21"> css="font-weight:bold"> כא כי חלק אחז את בית יהוה ואת בית המלך והשרים ויתן למלך אשור ולא לעזרה לו
22 vnumber="22"> css="font-weight:bold"> כב ובעת הצר לו ויוסף למעול ביהוה הוא המלך אחז
23 vnumber="23"> css="font-weight:bold"> כג ויזבח לאלהי דרמשק המכים בו ויאמר כי אלהי מלכי ארם הם מעזרים אתם להם אזבח ויעזרוני והם היו לו להכשילו ולכל ישראל
24 vnumber="24"> css="font-weight:bold"> כד ויאסף אחז את כלי בית האלהים ויקצץ את כלי בית האלהים ויסגר את דלתות בית יהוה ויעש לו מזבחות בכל פנה בירושלם
25 vnumber="25"> css="font-weight:bold"> כה ובכל עיר ועיר ליהודה עשה במות לקטר לאלהים אחרים ויכעס את יהוה אלהי אבתיו
26 vnumber="26"> css="font-weight:bold"> כו ויתר דבריו וכל דרכיו הראשנים והאחרונים--הנם כתובים על ספר מלכי יהודה וישראל
27 vnumber="27"> css="font-weight:bold"> כז וישכב אחז עם אבתיו ויקברהו בעיר בירושלם--כי לא הביאהו לקברי מלכי ישראל וימלך יחזקיהו בנו תחתיו {פ} br art="x-p"/>