1 vnumber="1"> כה הראני אדני יהוה והנה כלוב קיץ
2 vnumber="2"> ויאמר מה אתה ראה עמוס ואמר כלוב קיץ ויאמר יהוה אלי בא הקץ אל עמי ישראל--לא אוסיף עוד עבור לו
3 vnumber="3"> והילילו שירות היכל ביום ההוא--נאם אדני יהוה רב הפגר בכל מקום השליך הס {פ}
art="x-p"/>
4 vnumber="4"> שמעו זאת השאפים אביון ולשבית ענוי (עניי) ארץ
5 vnumber="5"> לאמר מתי יעבר החדש ונשבירה שבר והשבת ונפתחה בר--להקטין איפה ולהגדיל שקל ולעות מאזני מרמה
6 vnumber="6"> לקנות בכסף דלים ואביון בעבור נעלים ומפל בר נשביר
7 vnumber="7"> נשבע יהוה בגאון יעקב אם אשכח לנצח כל מעשיהם
8 vnumber="8"> העל זאת לא תרגז הארץ ואבל כל יושב בה ועלתה כאר כלה ונגרשה ונשקה (ונשקעה) כיאור מצרים {פ}
art="x-p"/>
9 vnumber="9"> והיה ביום ההוא נאם אדני יהוה והבאתי השמש בצהרים והחשכתי לארץ ביום אור
10 vnumber="10"> והפכתי חגיכם לאבל וכל שיריכם לקינה והעליתי על כל מתנים שק ועל כל ראש קרחה ושמתיה כאבל יחיד ואחריתה כיום מר {פ}
art="x-p"/>
11 vnumber="11"> הנה ימים באים נאם אדני יהוה והשלחתי רעב בארץ לא רעב ללחם ולא צמא למים--כי אם לשמע את דברי יהוה
12 vnumber="12"> ונעו מים עד ים ומצפון ועד מזרח ישוטטו לבקש את דבר יהוה ולא ימצאו
13 vnumber="13"> ביום ההוא תתעלפנה הבתולת היפות והבחורים--בצמא
14 vnumber="14"> הנשבעים באשמת שמרון ואמרו חי אלהיך דן וחי דרך באר שבע ונפלו ולא יקומו עוד {ס}
art="x-p"/>