1 vnumber="1"> שמור את חדש האביב ועשית פסח ליהוה אלהיך כי בחדש האביב הוציאך יהוה אלהיך ממצרים--לילה
2 vnumber="2"> וזבחת פסח ליהוה אלהיך צאן ובקר במקום אשר יבחר יהוה לשכן שמו שם
3 vnumber="3"> לא תאכל עליו חמץ שבעת ימים תאכל עליו מצות לחם עני כי בחפזון יצאת מארץ מצרים--למען תזכר את יום צאתך מארץ מצרים כל ימי חייך
4 vnumber="4"> ולא יראה לך שאר בכל גבלך שבעת ימים ולא ילין מן הבשר אשר תזבח בערב ביום הראשון--לבקר
5 vnumber="5"> לא תוכל לזבח את הפסח באחד שעריך אשר יהוה אלהיך נתן לך
6 vnumber="6"> כי אם אל המקום אשר יבחר יהוה אלהיך לשכן שמו--שם תזבח את הפסח בערב כבוא השמש מועד צאתך ממצרים
7 vnumber="7"> ובשלת ואכלת במקום אשר יבחר יהוה אלהיך בו ופנית בבקר והלכת לאהליך
8 vnumber="8"> ששת ימים תאכל מצות וביום השביעי עצרת ליהוה אלהיך--לא תעשה מלאכה {ס}
art="x-p"/>
9 vnumber="9"> שבעה שבעת תספר לך מהחל חרמש בקמה תחל לספר שבעה שבעות
10 vnumber="10"> ועשית חג שבעות ליהוה אלהיך--מסת נדבת ידך אשר תתן כאשר יברכך יהוה אלהיך
11 vnumber="11"> ושמחת לפני יהוה אלהיך אתה ובנך ובתך ועבדך ואמתך והלוי אשר בשעריך והגר והיתום והאלמנה אשר בקרבך--במקום אשר יבחר יהוה אלהיך לשכן שמו שם
12 vnumber="12"> וזכרת כי עבד היית במצרים ושמרת ועשית את החקים האלה {פ}
art="x-p"/>
13 vnumber="13"> חג הסכת תעשה לך שבעת ימים באספך--מגרנך ומיקבך
14 vnumber="14"> ושמחת בחגך אתה ובנך ובתך ועבדך ואמתך והלוי והגר והיתום והאלמנה אשר בשעריך
15 vnumber="15"> שבעת ימים תחג ליהוה אלהיך במקום אשר יבחר יהוה כי יברכך יהוה אלהיך בכל תבואתך ובכל מעשה ידיך והיית אך שמח
16 vnumber="16"> שלוש פעמים בשנה יראה כל זכורך את פני יהוה אלהיך במקום אשר יבחר--בחג המצות ובחג השבעות ובחג הסכות ולא יראה את פני יהוה ריקם
17 vnumber="17"> איש כמתנת ידו כברכת יהוה אלהיך אשר נתן לך {ס}
art="x-p"/>
18 vnumber="18"> שפטים ושטרים תתן לך בכל שעריך אשר יהוה אלהיך נתן לך לשבטיך ושפטו את העם משפט צדק
19 vnumber="19"> לא תטה משפט לא תכיר פנים ולא תקח שחד--כי השחד יעור עיני חכמים ויסלף דברי צדיקם
20 vnumber="20"> צדק צדק תרדף--למען תחיה וירשת את הארץ אשר יהוה אלהיך נתן לך {ס}
art="x-p"/>
21 vnumber="21"> לא תטע לך אשרה כל עץ אצל מזבח יהוה אלהיך--אשר תעשה לך
22 vnumber="22"> ולא תקים לך מצבה אשר שנא יהוה אלהיך {ס}
art="x-p"/>