1 vnumber="1"> ויקרא משה אל כל ישראל ויאמר אלהם אתם ראיתם את כל אשר עשה יהוה לעיניכם בארץ מצרים לפרעה ולכל עבדיו ולכל ארצו
2 vnumber="2"> המסות הגדלת אשר ראו עיניך--האתת והמפתים הגדלים ההם
3 vnumber="3"> ולא נתן יהוה לכם לב לדעת ועינים לראות ואזנים לשמע עד היום הזה
4 vnumber="4"> ואולך אתכם ארבעים שנה במדבר לא בלו שלמתיכם מעליכם ונעלך לא בלתה מעל רגלך
5 vnumber="5"> לחם לא אכלתם ויין ושכר לא שתיתם--למען תדעו כי אני יהוה אלהיכם
6 vnumber="6"> ותבאו אל המקום הזה ויצא סיחן מלך חשבון ועוג מלך הבשן לקראתנו למלחמה--ונכם
7 vnumber="7"> ונקח את ארצם ונתנה לנחלה לראובני ולגדי--ולחצי שבט המנשי
8 vnumber="8"> ושמרתם את דברי הברית הזאת ועשיתם אתם--למען תשכילו את כל אשר תעשון {פ}
art="x-p"/>
9 vnumber="9"> אתם נצבים היום כלכם לפני יהוה אלהיכם ראשיכם שבטיכם זקניכם ושטריכם כל איש ישראל
10 vnumber="10"> טפכם נשיכם--וגרך אשר בקרב מחניך מחטב עציך עד שאב מימיך
11 vnumber="11"> לעברך בברית יהוה אלהיך--ובאלתו אשר יהוה אלהיך כרת עמך היום
12 vnumber="12"> למען הקים אתך היום לו לעם והוא יהיה לך לאלהים--כאשר דבר לך וכאשר נשבע לאבתיך לאברהם ליצחק וליעקב
13 vnumber="13"> ולא אתכם לבדכם--אנכי כרת את הברית הזאת ואת האלה הזאת
14 vnumber="14"> כי את אשר ישנו פה עמנו עמד היום לפני יהוה אלהינו ואת אשר איננו פה עמנו היום
15 vnumber="15"> כי אתם ידעתם את אשר ישבנו בארץ מצרים ואת אשר עברנו בקרב הגוים אשר עברתם
16 vnumber="16"> ותראו את שקוציהם ואת גלליהם--עץ ואבן כסף וזהב אשר עמהם
17 vnumber="17"> פן יש בכם איש או אשה או משפחה או שבט אשר לבבו פנה היום מעם יהוה אלהינו ללכת לעבד את אלהי הגוים ההם פן יש בכם שרש פרה ראש--ולענה
18 vnumber="18"> והיה בשמעו את דברי האלה הזאת והתברך בלבבו לאמר שלום יהיה לי--כי בשררות לבי אלך למען ספות הרוה את הצמאה
19 vnumber="19"> לא יאבה יהוה סלח לו--כי אז יעשן אף יהוה וקנאתו באיש ההוא ורבצה בו כל האלה הכתובה בספר הזה ומחה יהוה את שמו מתחת השמים
20 vnumber="20"> והבדילו יהוה לרעה מכל שבטי ישראל--ככל אלות הברית הכתובה בספר התורה הזה
21 vnumber="21"> ואמר הדור האחרון בניכם אשר יקומו מאחריכם והנכרי אשר יבא מארץ רחוקה וראו את מכות הארץ ההוא ואת תחלאיה אשר חלה יהוה בה
22 vnumber="22"> גפרית ומלח שרפה כל ארצה--לא תזרע ולא תצמח ולא יעלה בה כל עשב כמהפכת סדם ועמרה אדמה וצביים אשר הפך יהוה באפו ובחמתו
23 vnumber="23"> ואמרו כל הגוים על מה עשה יהוה ככה לארץ הזאת מה חרי האף הגדול הזה
24 vnumber="24"> ואמרו--על אשר עזבו את ברית יהוה אלהי אבתם אשר כרת עמם בהוציאו אתם מארץ מצרים
25 vnumber="25"> וילכו ויעבדו אלהים אחרים וישתחוו להם אלהים אשר לא ידעום ולא חלק להם
26 vnumber="26"> ויחר אף יהוה בארץ ההוא להביא עליה את כל הקללה הכתובה בספר הזה
27 vnumber="27"> ויתשם יהוה מעל אדמתם באף ובחמה ובקצף גדול ויש big ל /big כם אל ארץ אחרת כיום הזה
28 vnumber="28"> הנסתרת--ליהוה אלהינו והנגלת לנו ולבנינו עד עולם--לעשות את כל דברי התורה הזאת {ס}
art="x-p"/>