1 vnumber="1"> ויכלו השמים והארץ וכל צבאם
2 vnumber="2"> ויכל אלהים ביום השביעי מלאכתו אשר עשה וישבת ביום השביעי מכל מלאכתו אשר עשה
3 vnumber="3"> ויברך אלהים את יום השביעי ויקדש אתו כי בו שבת מכל מלאכתו אשר ברא אלהים לעשות {פ}
art="x-p"/>
4 vnumber="4"> אלה תולדות השמים והארץ ב בראם ביום עשות יהוה אלהים--ארץ ושמים
5 vnumber="5"> וכל שיח השדה טרם יהיה בארץ וכל עשב השדה טרם יצמח כי לא המטיר יהוה אלהים על הארץ ואדם אין לעבד את האדמה
6 vnumber="6"> ואד יעלה מן הארץ והשקה את כל פני האדמה
7 vnumber="7"> וייצר יהוה אלהים את האדם עפר מן האדמה ויפח באפיו נשמת חיים ויהי האדם לנפש חיה
8 vnumber="8"> ויטע יהוה אלהים גן בעדן--מקדם וישם שם את האדם אשר יצר
9 vnumber="9"> ויצמח יהוה אלהים מן האדמה כל עץ נחמד למראה וטוב למאכל--ועץ החיים בתוך הגן ועץ הדעת טוב ורע
10 vnumber="10"> ונהר יצא מעדן להשקות את הגן ומשם יפרד והיה לארבעה ראשים
11 vnumber="11"> שם האחד פישון--הוא הסבב את כל ארץ החוילה אשר שם הזהב
12 vnumber="12"> וזהב הארץ ההוא טוב שם הבדלח ואבן השהם
13 vnumber="13"> ושם הנהר השני גיחון--הוא הסובב את כל ארץ כוש
14 vnumber="14"> ושם הנהר השלישי חדקל הוא ההלך קדמת אשור והנהר הרביעי הוא פרת
15 vnumber="15"> ויקח יהוה אלהים את האדם וינחהו בגן עדן לעבדה ולשמרה
16 vnumber="16"> ויצו יהוה אלהים על האדם לאמר מכל עץ הגן אכל תאכל
17 vnumber="17"> ומעץ הדעת טוב ורע--לא תאכל ממנו כי ביום אכלך ממנו--מות תמות
18 vnumber="18"> ויאמר יהוה אלהים לא טוב היות האדם לבדו אעשה לו עזר כנגדו
19 vnumber="19"> ויצר יהוה אלהים מן האדמה כל חית השדה ואת כל עוף השמים ויבא אל האדם לראות מה יקרא לו וכל אשר יקרא לו האדם נפש חיה הוא שמו
20 vnumber="20"> ויקרא האדם שמות לכל הבהמה ולעוף השמים ולכל חית השדה ולאדם לא מצא עזר כנגדו
21 vnumber="21"> ויפל יהוה אלהים תרדמה על האדם ויישן ויקח אחת מצלעתיו ויסגר בשר תחתנה
22 vnumber="22"> ויבן יהוה אלהים את הצלע אשר לקח מן האדם לאשה ויבאה אל האדם
23 vnumber="23"> ויאמר האדם זאת הפעם עצם מעצמי ובשר מבשרי לזאת יקרא אשה כי מאיש לקחה זאת
24 vnumber="24"> על כן יעזב איש את אביו ואת אמו ודבק באשתו והיו לבשר אחד
25 vnumber="25"> ויהיו שניהם ערומים האדם ואשתו ולא יתבששו
art="x-p"/>