1 vnumber="1"> ויאמר אלהים אל יעקב קום עלה בית אל ושב שם ועשה שם מזבח--לאל הנראה אליך בברחך מפני עשו אחיך
2 vnumber="2"> ויאמר יעקב אל ביתו ואל כל אשר עמו הסרו את אלהי הנכר אשר בתככם והטהרו והחליפו שמלתיכם
3 vnumber="3"> ונקומה ונעלה בית אל ואעשה שם מזבח לאל הענה אתי ביום צרתי ויהי עמדי בדרך אשר הלכתי
4 vnumber="4"> ויתנו אל יעקב את כל אלהי הנכר אשר בידם ואת הנזמים אשר באזניהם ויטמן אתם יעקב תחת האלה אשר עם שכם
5 vnumber="5"> ויסעו ויהי חתת אלהים על הערים אשר סביבותיהם ולא רדפו אחרי בני יעקב
6 vnumber="6"> ויבא יעקב לוזה אשר בארץ כנען--הוא בית אל הוא וכל העם אשר עמו
7 vnumber="7"> ויבן שם מזבח ויקרא למקום אל בית אל כי שם נגלו אליו האלהים בברחו מפני אחיו
8 vnumber="8"> ותמת דברה מינקת רבקה ותקבר מתחת לבית אל תחת האלון ויקרא שמו אלון בכות {פ}
art="x-p"/>
9 vnumber="9"> וירא אלהים אל יעקב עוד בבאו מפדן ארם ויברך אתו
10 vnumber="10"> ויאמר לו אלהים שמך יעקב לא יקרא שמך עוד יעקב כי אם ישראל יהיה שמך ויקרא את שמו ישראל
11 vnumber="11"> ויאמר לו אלהים אני אל שדי פרה ורבה--גוי וקהל גוים יהיה ממך ומלכים מחלציך יצאו
12 vnumber="12"> ואת הארץ אשר נתתי לאברהם וליצחק--לך אתננה ולזרעך אחריך אתן את הארץ
13 vnumber="13"> ויעל מעליו אלהים במקום אשר דבר אתו
14 vnumber="14"> ויצב יעקב מצבה במקום אשר דבר אתו--מצבת אבן ויסך עליה נסך ויצק עליה שמן
15 vnumber="15"> ויקרא יעקב את שם המקום אשר דבר אתו שם אלהים--בית אל
16 vnumber="16"> ויסעו מבית אל ויהי עוד כברת הארץ לבוא אפרתה ותלד רחל ותקש בלדתה
17 vnumber="17"> ויהי בהקשתה בלדתה ותאמר לה המילדת אל תיראי כי גם זה לך בן
18 vnumber="18"> ויהי בצאת נפשה כי מתה ותקרא שמו בן אוני ואביו קרא לו בנימין
19 vnumber="19"> ותמת רחל ותקבר בדרך אפרתה הוא בית לחם
20 vnumber="20"> ויצב יעקב מצבה על קברתה--הוא מצבת קברת רחל עד היום
21 vnumber="21"> ויסע ישראל ויט אהלה מהלאה למגדל עדר
22 vnumber="22"> ויהי בשכן ישראל בארץ ההוא וילך ראובן וישכב את בלהה פילגש אביו וישמע ישראל {פ}
art="x-p"/> ויהיו בני יעקב שנים עשר
23 vnumber="23"> בני לאה בכור יעקב ראובן ושמעון ולוי ויהודה ויששכר וזבלון
24 vnumber="24"> בני רחל יוסף ובנימן
25 vnumber="25"> ובני בלהה שפחת רחל דן ונפתלי
26 vnumber="26"> ובני זלפה שפחת לאה גד ואשר אלה בני יעקב אשר ילד לו בפדן ארם
27 vnumber="27"> ויבא יעקב אל יצחק אביו ממרא קרית הארבע--הוא חברון אשר גר שם אברהם ויצחק
28 vnumber="28"> ויהיו ימי יצחק--מאת שנה ושמנים שנה
29 vnumber="29"> ויגוע יצחק וימת ויאסף אל עמיו זקן ושבע ימים ויקברו אתו עשו ויעקב בניו {פ}
art="x-p"/>