1 vnumber="1"> ויהי בעת ההוא וירד יהודה מאת אחיו ויט עד איש עדלמי ושמו חירה
2 vnumber="2"> וירא שם יהודה בת איש כנעני ושמו שוע ויקחה ויבא אליה
3 vnumber="3"> ותהר ותלד בן ויקרא את שמו ער
4 vnumber="4"> ותהר עוד ותלד בן ותקרא את שמו אונן
5 vnumber="5"> ותסף עוד ותלד בן ותקרא את שמו שלה והיה בכזיב בלדתה אתו
6 vnumber="6"> ויקח יהודה אשה לער בכורו ושמה תמר
7 vnumber="7"> ויהי ער בכור יהודה--רע בעיני יהוה וימתהו יהוה
8 vnumber="8"> ויאמר יהודה לאונן בא אל אשת אחיך ויבם אתה והקם זרע לאחיך
9 vnumber="9"> וידע אונן כי לא לו יהיה הזרע והיה אם בא אל אשת אחיו ושחת ארצה לבלתי נתן זרע לאחיו
10 vnumber="10"> וירע בעיני יהוה אשר עשה וימת גם אתו
11 vnumber="11"> ויאמר יהודה לתמר כלתו שבי אלמנה בית אביך עד יגדל שלה בני--כי אמר פן ימות גם הוא כאחיו ותלך תמר ותשב בית אביה
12 vnumber="12"> וירבו הימים ותמת בת שוע אשת יהודה וינחם יהודה ויעל על גזזי צאנו הוא וחירה רעהו העדלמי--תמנתה
13 vnumber="13"> ויגד לתמר לאמר הנה חמיך עלה תמנתה לגז צאנו
14 vnumber="14"> ותסר בגדי אלמנותה מעליה ותכס בצעיף ותתעלף ותשב בפתח עינים אשר על דרך תמנתה כי ראתה כי גדל שלה והוא לא נתנה לו לאשה
15 vnumber="15"> ויראה יהודה ויחשבה לזונה כי כסתה פניה
16 vnumber="16"> ויט אליה אל הדרך ויאמר הבה נא אבוא אליך כי לא ידע כי כלתו הוא ותאמר מה תתן לי כי תבוא אלי
17 vnumber="17"> ויאמר אנכי אשלח גדי עזים מן הצאן ותאמר אם תתן ערבון עד שלחך
18 vnumber="18"> ויאמר מה הערבון אשר אתן לך ותאמר חתמך ופתילך ומטך אשר בידך ויתן לה ויבא אליה ותהר לו
19 vnumber="19"> ותקם ותלך ותסר צעיפה מעליה ותלבש בגדי אלמנותה
20 vnumber="20"> וישלח יהודה את גדי העזים ביד רעהו העדלמי לקחת הערבון מיד האשה ולא מצאה
21 vnumber="21"> וישאל את אנשי מקמה לאמר איה הקדשה הוא בעינים על הדרך ויאמרו לא היתה בזה קדשה
22 vnumber="22"> וישב אל יהודה ויאמר לא מצאתיה וגם אנשי המקום אמרו לא היתה בזה קדשה
23 vnumber="23"> ויאמר יהודה תקח לה פן נהיה לבוז הנה שלחתי הגדי הזה ואתה לא מצאתה
24 vnumber="24"> ויהי כמשלש חדשים ויגד ליהודה לאמר זנתה תמר כלתך וגם הנה הרה לזנונים ויאמר יהודה הוציאוה ותשרף
25 vnumber="25"> הוא מוצאת והיא שלחה אל חמיה לאמר לאיש אשר אלה לו אנכי הרה ותאמר הכר נא--למי החתמת והפתילים והמטה האלה
26 vnumber="26"> ויכר יהודה ויאמר צדקה ממני כי על כן לא נתתיה לשלה בני ולא יסף עוד לדעתה
27 vnumber="27"> ויהי בעת לדתה והנה תאומים בבטנה
28 vnumber="28"> ויהי בלדתה ויתן יד ותקח המילדת ותקשר על ידו שני לאמר זה יצא ראשנה
29 vnumber="29"> ויהי כמשיב ידו והנה יצא אחיו ותאמר מה פרצת עליך פרץ ויקרא שמו פרץ
30 vnumber="30"> ואחר יצא אחיו אשר על ידו השני ויקרא שמו זרח {ס}
art="x-p"/>