1 vnumber="1"> ויוסף הורד מצרימה ויקנהו פוטיפר סריס פרעה שר הטבחים איש מצרי מיד הישמעאלים אשר הורדהו שמה
2 vnumber="2"> ויהי יהוה את יוסף ויהי איש מצליח ויהי בבית אדניו המצרי
3 vnumber="3"> וירא אדניו כי יהוה אתו וכל אשר הוא עשה יהוה מצליח בידו
4 vnumber="4"> וימצא יוסף חן בעיניו וישרת אתו ויפקדהו על ביתו וכל יש לו נתן בידו
5 vnumber="5"> ויהי מאז הפקיד אתו בביתו ועל כל אשר יש לו ויברך יהוה את בית המצרי בגלל יוסף ויהי ברכת יהוה בכל אשר יש לו--בבית ובשדה
6 vnumber="6"> ויעזב כל אשר לו ביד יוסף ולא ידע אתו מאומה כי אם הלחם אשר הוא אוכל ויהי יוסף יפה תאר ויפה מראה
7 vnumber="7"> ויהי אחר הדברים האלה ותשא אשת אדניו את עיניה אל יוסף ותאמר שכבה עמי
8 vnumber="8"> וימאן--ויאמר אל אשת אדניו הן אדני לא ידע אתי מה בבית וכל אשר יש לו נתן בידי
9 vnumber="9"> איננו גדול בבית הזה ממני ולא חשך ממני מאומה כי אם אותך באשר את אשתו ואיך אעשה הרעה הגדלה הזאת וחטאתי לאלהים
10 vnumber="10"> ויהי כדברה אל יוסף יום יום ולא שמע אליה לשכב אצלה להיות עמה
11 vnumber="11"> ויהי כהיום הזה ויבא הביתה לעשות מלאכתו ואין איש מאנשי הבית שם--בבית
12 vnumber="12"> ותתפשהו בבגדו לאמר שכבה עמי ויעזב בגדו בידה וינס ויצא החוצה
13 vnumber="13"> ויהי כראותה כי עזב בגדו בידה וינס החוצה
14 vnumber="14"> ותקרא לאנשי ביתה ותאמר להם לאמר ראו הביא לנו איש עברי לצחק בנו בא אלי לשכב עמי ואקרא בקול גדול
15 vnumber="15"> ויהי כשמעו כי הרימתי קולי ואקרא ויעזב בגדו אצלי וינס ויצא החוצה
16 vnumber="16"> ותנח בגדו אצלה עד בוא אדניו אל ביתו
17 vnumber="17"> ותדבר אליו כדברים האלה לאמר בא אלי העבד העברי אשר הבאת לנו--לצחק בי
18 vnumber="18"> ויהי כהרימי קולי ואקרא ויעזב בגדו אצלי וינס החוצה
19 vnumber="19"> ויהי כשמע אדניו את דברי אשתו אשר דברה אליו לאמר כדברים האלה עשה לי עבדך ויחר אפו
20 vnumber="20"> ויקח אדני יוסף אתו ויתנהו אל בית הסהר--מקום אשר אסורי (אסירי) המלך אסורים ויהי שם בבית הסהר
21 vnumber="21"> ויהי יהוה את יוסף ויט אליו חסד ויתן חנו בעיני שר בית הסהר
22 vnumber="22"> ויתן שר בית הסהר ביד יוסף את כל האסירם אשר בבית הסהר ואת כל אשר עשים שם הוא היה עשה
23 vnumber="23"> אין שר בית הסהר ראה את כל מאומה בידו באשר יהוה אתו ואשר הוא עשה יהוה מצליח {פ}
art="x-p"/>