1 vnumber="1"> כי ירחם יהוה את יעקב ובחר עוד בישראל והניחם על אדמתם ונלוה הגר עליהם ונספחו על בית יעקב
2 vnumber="2"> ולקחום עמים והביאום אל מקומם והתנחלום בית ישראל על אדמת יהוה לעבדים ולשפחות והיו שבים לשביהם ורדו בנגשיהם {ס}
art="x-p"/>
3 vnumber="3"> והיה ביום הניח יהוה לך מעצבך ומרגזך--ומן העבדה הקשה אשר עבד בך
4 vnumber="4"> ונשאת המשל הזה על מלך בבל--ואמרת איך שבת נגש שבתה מדהבה
5 vnumber="5"> שבר יהוה מטה רשעים--שבט משלים
6 vnumber="6"> מכה עמים בעברה מכת בלתי סרה רדה באף גוים מרדף בלי חשך
7 vnumber="7"> נחה שקטה כל הארץ פצחו רנה
8 vnumber="8"> גם ברושים שמחו לך ארזי לבנון מאז שכבת לא יעלה הכרת עלינו
9 vnumber="9"> שאול מתחת רגזה לך--לקראת בואך עורר לך רפאים כל עתודי ארץ--הקים מכסאותם כל מלכי גוים
10 vnumber="10"> כלם יענו ויאמרו אליך גם אתה חלית כמונו אלינו נמשלת
11 vnumber="11"> הורד שאול גאונך המית נבליך תחתיך יצע רמה ומכסיך תולעה
12 vnumber="12"> איך נפלת משמים הילל בן שחר נגדעת לארץ חולש על גוים
13 vnumber="13"> ואתה אמרת בלבבך השמים אעלה--ממעל לכוכבי אל ארים כסאי ואשב בהר מועד בירכתי צפון
14 vnumber="14"> אעלה על במתי עב אדמה לעליון
15 vnumber="15"> אך אל שאול תורד אל ירכתי בור
16 vnumber="16"> ראיך אליך ישגיחו אליך יתבוננו הזה האיש מרגיז הארץ מרעיש ממלכות
17 vnumber="17"> שם תבל כמדבר ועריו הרס אסיריו לא פתח ביתה
18 vnumber="18"> כל מלכי גוים כלם--שכבו בכבוד איש בביתו
19 vnumber="19"> ואתה השלכת מקברך כנצר נתעב--לבש הרגים מטעני חרב יורדי אל אבני בור כפגר מובס
20 vnumber="20"> לא תחד אתם בקבורה כי ארצך שחת עמך הרגת לא יקרא לעולם זרע מרעים
21 vnumber="21"> הכינו לבניו מטבח בעון אבותם בל יקמו וירשו ארץ ומלאו פני תבל ערים
22 vnumber="22"> וקמתי עליהם נאם יהוה צבאות והכרתי לבבל שם ושאר ונין ונכד--נאם יהוה
23 vnumber="23"> ושמתיה למורש קפד ואגמי מים וטאטאתיה במטאטא השמד נאם יהוה צבאות {ס}
art="x-p"/>
24 vnumber="24"> נשבע יהוה צבאות לאמר אם לא כאשר דמיתי כן היתה וכאשר יעצתי היא תקום
25 vnumber="25"> לשבר אשור בארצי ועל הרי אבוסנו וסר מעליהם עלו וסבלו מעל שכמו יסור
26 vnumber="26"> זאת העצה היעוצה על כל הארץ וזאת היד הנטויה על כל הגוים
27 vnumber="27"> כי יהוה צבאות יעץ ומי יפר וידו הנטויה ומי ישיבנה {פ}
art="x-p"/>
28 vnumber="28"> בשנת מות המלך אחז היה המשא הזה
29 vnumber="29"> אל תשמחי פלשת כלך כי נשבר שבט מכך כי משרש נחש יצא צפע ופריו שרף מעופף
30 vnumber="30"> ורעו בכורי דלים ואביונים לבטח ירבצו והמתי ברעב שרשך ושאריתך יהרג
31 vnumber="31"> הילילי שער זעקי עיר נמוג פלשת כלך כי מצפון עשן בא ואין בודד במועדיו
32 vnumber="32"> ומה יענה מלאכי גוי כי יהוה יסד ציון ובה יחסו עניי עמו {פ}
art="x-p"/>