1 vnumber="1"> בימים ההם חלה חזקיהו למות ויבוא אליו ישעיהו בן אמוץ הנביא ויאמר אליו כה אמר יהוה צו לביתך--כי מת אתה ולא תחיה
2 vnumber="2"> ויסב חזקיהו פניו אל הקיר ויתפלל אל יהוה
3 vnumber="3"> ויאמר אנה יהוה זכר נא את אשר התהלכתי לפניך באמת ובלב שלם והטוב בעיניך עשיתי ויבך חזקיהו בכי גדול {ס}
art="x-p"/>
4 vnumber="4"> ויהי דבר יהוה אל ישעיהו לאמר
5 vnumber="5"> הלוך ואמרת אל חזקיהו כה אמר יהוה אלהי דוד אביך שמעתי את תפלתך ראיתי את דמעתך הנני יוסף על ימיך חמש עשרה שנה
6 vnumber="6"> ומכף מלך אשור אצילך ואת העיר הזאת וגנותי על העיר הזאת
7 vnumber="7"> וזה לך האות מאת יהוה אשר יעשה יהוה את הדבר הזה אשר דבר
8 vnumber="8"> הנני משיב את צל המעלות אשר ירדה במעלות אחז בשמש אחרנית--עשר מעלות ותשב השמש עשר מעלות במעלות אשר ירדה {ס}
art="x-p"/>
9 vnumber="9"> מכתב לחזקיהו מלך יהודה בחלתו ויחי מחליו
10 vnumber="10"> אני אמרתי בדמי ימי אלכה--בשערי שאול פקדתי יתר שנותי
11 vnumber="11"> אמרתי לא אראה יה יה בארץ החיים לא אביט אדם עוד עם יושבי חדל
12 vnumber="12"> דורי נסע ונגלה מני--כאהל רעי קפדתי כארג חיי מדלה יבצעני מיום עד לילה תשלימני
13 vnumber="13"> שויתי עד בקר כארי כן ישבר כל עצמותי מיום עד לילה תשלימני
14 vnumber="14"> כסוס עגור כן אצפצף אהגה כיונה דלו עיני למרום אדני עשקה לי ערבני
15 vnumber="15"> מה אדבר ואמר לי והוא עשה אדדה כל שנותי על מר נפשי
16 vnumber="16"> אדני עליהם יחיו ולכל בהן חיי רוחי ותחלימני והחיני
17 vnumber="17"> הנה לשלום מר לי מר ואתה חשקת נפשי משחת בלי כי השלכת אחרי גוך כל חטאי
18 vnumber="18"> כי לא שאול תודך מות יהללך לא ישברו יורדי בור אל אמתך
19 vnumber="19"> חי חי הוא יודך כמוני היום אב לבנים יודיע אל אמתך
20 vnumber="20"> יהוה להושיעני ונגנותי ננגן כל ימי חיינו על בית יהוה
21 vnumber="21"> ויאמר ישעיהו ישאו דבלת תאנים וימרחו על השחין ויחי
22 vnumber="22"> ויאמר חזקיהו מה אות כי אעלה בית יהוה {ס}
art="x-p"/>