1 vnumber="1"> ויאמר יהוה אלי קח לך גליון גדול וכתב עליו בחרט אנוש למהר שלל חש בז
2 vnumber="2"> ואעידה לי עדים נאמנים--את אוריה הכהן ואת זכריהו בן יברכיהו
3 vnumber="3"> ואקרב אל הנביאה ותהר ותלד בן {ס} ויאמר יהוה אלי קרא שמו מהר שלל חש בז
4 vnumber="4"> כי בטרם ידע הנער קרא אבי ואמי--ישא את חיל דמשק ואת שלל שמרון לפני מלך אשור {ס}
art="x-p"/>
5 vnumber="5"> ויסף יהוה דבר אלי עוד לאמר
6 vnumber="6"> יען כי מאס העם הזה את מי השלח ההלכים לאט ומשוש את רצין ובן רמליהו
7 vnumber="7"> ולכן הנה אדני מעלה עליהם את מי הנהר העצומים והרבים--את מלך אשור ואת כל כבודו ועלה על כל אפיקיו והלך על כל גדותיו
8 vnumber="8"> וחלף ביהודה שטף ועבר עד צואר יגיע והיה מטות כנפיו מלא רחב ארצך עמנו אל {ס}
art="x-p"/>
9 vnumber="9"> רעו עמים וחתו והאזינו כל מרחקי ארץ התאזרו וחתו התאזרו וחתו
10 vnumber="10"> עצו עצה ותפר דברו דבר ולא יקום כי עמנו אל {ס}
art="x-p"/>
11 vnumber="11"> כי כה אמר יהוה אלי כחזקת היד ויסרני מלכת בדרך העם הזה לאמר
12 vnumber="12"> לא תאמרון קשר לכל אשר יאמר העם הזה קשר ואת מוראו לא תיראו ולא תעריצו
13 vnumber="13"> את יהוה צבאות אתו תקדישו והוא מוראכם והוא מערצכם
14 vnumber="14"> והיה למקדש ולאבן נגף ולצור מכשול לשני בתי ישראל לפח ולמוקש--ליושב ירושלם
15 vnumber="15"> וכשלו בם רבים ונפלו ונשברו ונוקשו ונלכדו {פ}
art="x-p"/>
16 vnumber="16"> צור תעודה חתום תורה בלמדי
17 vnumber="17"> וחכיתי ליהוה המסתיר פניו מבית יעקב וקויתי לו
18 vnumber="18"> הנה אנכי והילדים אשר נתן לי יהוה לאתות ולמופתים בישראל--מעם יהוה צבאות השכן בהר ציון {ס}
art="x-p"/>
19 vnumber="19"> וכי יאמרו אליכם דרשו אל האבות ואל הידענים המצפצפים והמהגים הלוא עם אל אלהיו ידרש בעד החיים אל המתים
20 vnumber="20"> לתורה ולתעודה אם לא יאמרו כדבר הזה אשר אין לו שחר
21 vnumber="21"> ועבר בה נקשה ורעב והיה כי ירעב והתקצף וקלל במלכו ובאלהיו--ופנה למעלה
22 vnumber="22"> ואל ארץ יביט והנה צרה וחשכה מעוף צוקה ואפלה מנדח (Isaiah 8:23) כי לא מועף לאשר מוצק לה כעת הראשון הקל ארצה זבלון וארצה נפתלי והאחרון הכביד--דרך הים עבר הירדן גליל הגוים
art="x-p"/>