1 vnumber="1"> וידבר יהוה אל משה לאמר
2 vnumber="2"> זאת תהיה תורת המצרע ביום טהרתו והובא אל הכהן
3 vnumber="3"> ויצא הכהן אל מחוץ למחנה וראה הכהן והנה נרפא נגע הצרעת מן הצרוע
4 vnumber="4"> וצוה הכהן ולקח למטהר שתי צפרים חיות טהרות ועץ ארז ושני תולעת ואזב
5 vnumber="5"> וצוה הכהן ושחט את הצפור האחת--אל כלי חרש על מים חיים
6 vnumber="6"> את הצפר החיה יקח אתה ואת עץ הארז ואת שני התולעת ואת האזב וטבל אותם ואת הצפר החיה בדם הצפר השחטה על המים החיים
7 vnumber="7"> והזה על המטהר מן הצרעת--שבע פעמים וטהרו ושלח את הצפר החיה על פני השדה
8 vnumber="8"> וכבס המטהר את בגדיו וגלח את כל שערו ורחץ במים וטהר ואחר יבוא אל המחנה וישב מחוץ לאהלו שבעת ימים
9 vnumber="9"> והיה ביום השביעי יגלח את כל שערו את ראשו ואת זקנו ואת גבת עיניו ואת כל שערו יגלח וכבס את בגדיו ורחץ את בשרו במים--וטהר
10 vnumber="10"> וביום השמיני יקח שני כבשים תמימם וכבשה אחת בת שנתה תמימה ושלשה עשרנים סלת מנחה בלולה בשמן ולג אחד שמן
11 vnumber="11"> והעמיד הכהן המטהר את האיש המטהר--ואתם לפני יהוה פתח אהל מועד
12 vnumber="12"> ולקח הכהן את הכבש האחד והקריב אתו לאשם--ואת לג השמן והניף אתם תנופה לפני יהוה
13 vnumber="13"> ושחט את הכבש במקום אשר ישחט את החטאת ואת העלה--במקום הקדש כי כחטאת האשם הוא לכהן--קדש קדשים הוא
14 vnumber="14"> ולקח הכהן מדם האשם ונתן הכהן על תנוך אזן המטהר הימנית ועל בהן ידו הימנית ועל בהן רגלו הימנית
15 vnumber="15"> ולקח הכהן מלג השמן ויצק על כף הכהן השמאלית
16 vnumber="16"> וטבל הכהן את אצבעו הימנית מן השמן אשר על כפו השמאלית והזה מן השמן באצבעו שבע פעמים לפני יהוה
17 vnumber="17"> ומיתר השמן אשר על כפו יתן הכהן על תנוך אזן המטהר הימנית ועל בהן ידו הימנית ועל בהן רגלו הימנית--על דם האשם
18 vnumber="18"> והנותר בשמן אשר על כף הכהן יתן על ראש המטהר וכפר עליו הכהן לפני יהוה
19 vnumber="19"> ועשה הכהן את החטאת וכפר על המטהר מטמאתו ואחר ישחט את העלה
20 vnumber="20"> והעלה הכהן את העלה ואת המנחה המזבחה וכפר עליו הכהן וטהר {ס}
art="x-p"/>
21 vnumber="21"> ואם דל הוא ואין ידו משגת--ולקח כבש אחד אשם לתנופה לכפר עליו ועשרון סלת אחד בלול בשמן למנחה--ולג שמן
22 vnumber="22"> ושתי תרים או שני בני יונה אשר תשיג ידו והיה אחד חטאת והאחד עלה
23 vnumber="23"> והביא אתם ביום השמיני לטהרתו--אל הכהן אל פתח אהל מועד לפני יהוה
24 vnumber="24"> ולקח הכהן את כבש האשם ואת לג השמן והניף אתם הכהן תנופה לפני יהוה
25 vnumber="25"> ושחט את כבש האשם ולקח הכהן מדם האשם ונתן על תנוך אזן המטהר הימנית ועל בהן ידו הימנית ועל בהן רגלו הימנית
26 vnumber="26"> ומן השמן יצק הכהן על כף הכהן השמאלית
27 vnumber="27"> והזה הכהן באצבעו הימנית מן השמן אשר על כפו השמאלית--שבע פעמים לפני יהוה
28 vnumber="28"> ונתן הכהן מן השמן אשר על כפו על תנוך אזן המטהר הימנית ועל בהן ידו הימנית ועל בהן רגלו הימנית--על מקום דם האשם
29 vnumber="29"> והנותר מן השמן אשר על כף הכהן יתן על ראש המטהר--לכפר עליו לפני יהוה
30 vnumber="30"> ועשה את האחד מן התרים או מן בני היונה מאשר תשיג ידו
31 vnumber="31"> את אשר תשיג ידו את האחד חטאת ואת האחד עלה--על המנחה וכפר הכהן על המטהר לפני יהוה
32 vnumber="32"> זאת תורת אשר בו נגע צרעת אשר לא תשיג ידו בטהרתו {פ}
art="x-p"/>
33 vnumber="33"> וידבר יהוה אל משה ואל אהרן לאמר
34 vnumber="34"> כי תבאו אל ארץ כנען אשר אני נתן לכם לאחזה ונתתי נגע צרעת בבית ארץ אחזתכם
35 vnumber="35"> ובא אשר לו הבית והגיד לכהן לאמר כנגע נראה לי בבית
36 vnumber="36"> וצוה הכהן ופנו את הבית בטרם יבא הכהן לראות את הנגע ולא יטמא כל אשר בבית ואחר כן יבא הכהן לראות את הבית
37 vnumber="37"> וראה את הנגע והנה הנגע בקירת הבית שקערורת ירקרקת או אדמדמת ומראיהן שפל מן הקיר
38 vnumber="38"> ויצא הכהן מן הבית אל פתח הבית והסגיר את הבית שבעת ימים
39 vnumber="39"> ושב הכהן ביום השביעי וראה והנה פשה הנגע בקירת הבית
40 vnumber="40"> וצוה הכהן וחלצו את האבנים אשר בהן הנגע והשליכו אתהן אל מחוץ לעיר אל מקום טמא
41 vnumber="41"> ואת הבית יקצע מבית סביב ושפכו את העפר אשר הקצו אל מחוץ לעיר אל מקום טמא
42 vnumber="42"> ולקחו אבנים אחרות והביאו אל תחת האבנים ועפר אחר יקח וטח את הבית
43 vnumber="43"> ואם ישוב הנגע ופרח בבית אחר חלץ את האבנים ואחרי הקצות את הבית ואחרי הטוח
44 vnumber="44"> ובא הכהן וראה והנה פשה הנגע בבית--צרעת ממארת הוא בבית טמא הוא
45 vnumber="45"> ונתץ את הבית את אבניו ואת עציו ואת כל עפר הבית והוציא אל מחוץ לעיר אל מקום טמא
46 vnumber="46"> והבא אל הבית כל ימי הסגיר אתו--יטמא עד הערב
47 vnumber="47"> והשכב בבית יכבס את בגדיו והאכל בבית יכבס את בגדיו
48 vnumber="48"> ואם בא יבא הכהן וראה והנה לא פשה הנגע בבית אחרי הטח את הבית--וטהר הכהן את הבית כי נרפא הנגע
49 vnumber="49"> ולקח לחטא את הבית שתי צפרים ועץ ארז ושני תולעת ואזב
50 vnumber="50"> ושחט את הצפר האחת אל כלי חרש על מים חיים
51 vnumber="51"> ולקח את עץ הארז ואת האזב ואת שני התולעת ואת הצפר החיה וטבל אתם בדם הצפר השחוטה ובמים החיים והזה אל הבית שבע פעמים
52 vnumber="52"> וחטא את הבית--בדם הצפור ובמים החיים ובצפר החיה ובעץ הארז ובאזב--ובשני התולעת
53 vnumber="53"> ושלח את הצפר החיה אל מחוץ לעיר--אל פני השדה וכפר על הבית וטהר
54 vnumber="54"> זאת התורה לכל נגע הצרעת ולנתק
55 vnumber="55"> ולצרעת הבגד ולבית
56 vnumber="56"> ולשאת ולספחת ולבהרת
57 vnumber="57"> להורת ביום הטמא וביום הטהר זאת תורת הצרעת {פ}
art="x-p"/>