1 vnumber="1"> משא נינוה--ספר חזון נחום האלקשי
2 vnumber="2"> אל קנוא ונקם יהוה נקם יהוה ובעל חמה נקם יהוה לצריו ונוטר הוא לאיביו
3 vnumber="3"> יהוה ארך אפים וגדול (וגדל) כח ונקה לא ינקה יהוה ב ופה ובשערה דרכו וענן אבק רגליו
4 vnumber="4"> גוער בים ויבשהו וכל הנהרות החריב אמלל בשן וכרמל ופרח לבנון אמלל
5 vnumber="5"> הרים רעשו ממנו והגבעות התמגגו ותשא הארץ מפניו ותבל וכל יושבי בה
6 vnumber="6"> לפני זעמו מי יעמוד ומי יקום בחרון אפו חמתו נתכה כאש והצרים נתצו ממנו
7 vnumber="7"> טוב יהוה למעוז ביום צרה וידע חסי בו
8 vnumber="8"> ובשטף עבר כלה יעשה מקומה ואיביו ירדף חשך
9 vnumber="9"> מה תחשבון אל יהוה--כלה הוא עשה לא תקום פעמים צרה
10 vnumber="10"> כי עד סירים סבכים וכסבאם סבואים אכלו--כקש יבש מלא
11 vnumber="11"> ממך יצא חשב על יהוה רעה--יעץ בליעל {ס}
art="x-p"/>
12 vnumber="12"> כה אמר יהוה אם שלמים וכן רבים וכן נגוזו ועבר וענתך--לא אענך עוד
13 vnumber="13"> ועתה אשבר מטהו מעליך ומוסרתיך אנתק
14 vnumber="14"> וצוה עליך יהוה לא יזרע משמך עוד מבית אלהיך אכרית פסל ומסכה אשים קברך--כי קלות {פ}
art="x-p"/>