1 vnumber="1"> לא יהיה לכהנים הלוים כל שבט לוי חלק ונחלה--עם ישראל אשי יהוה ונחלתו יאכלון
2 vnumber="2"> ונחלה לא יהיה לו בקרב אחיו יהוה הוא נחלתו כאשר דבר לו {ס}
art="x-p"/>
3 vnumber="3"> וזה יהיה משפט הכהנים מאת העם מאת זבחי הזבח--אם שור אם שה ונתן לכהן הזרע והלחיים והקבה
4 vnumber="4"> ראשית דגנך תירשך ויצהרך וראשית גז צאנך--תתן לו
5 vnumber="5"> כי בו בחר יהוה אלהיך--מכל שבטיך לעמד לשרת בשם יהוה הוא ובניו כל הימים {ס}
art="x-p"/>
6 vnumber="6"> וכי יבא הלוי מאחד שעריך מכל ישראל אשר הוא גר שם ובא בכל אות נפשו אל המקום אשר יבחר יהוה
7 vnumber="7"> ושרת בשם יהוה אלהיו--ככל אחיו הלוים העמדים שם לפני יהוה
8 vnumber="8"> חלק כחלק יאכלו לבד ממכריו על האבות {ס}
art="x-p"/>
9 vnumber="9"> כי אתה בא אל הארץ אשר יהוה אלהיך נתן לך--לא תלמד לעשות כתועבת הגוים ההם
10 vnumber="10"> לא ימצא בך מעביר בנו ובתו באש קסם קסמים מעונן ומנחש ומכשף
11 vnumber="11"> וחבר חבר ושאל אוב וידעני ודרש אל המתים
12 vnumber="12"> כי תועבת יהוה כל עשה אלה ובגלל התועבת האלה יהוה אלהיך מוריש אותם מפניך
13 vnumber="13"> תמים תהיה עם יהוה אלהיך
14 vnumber="14"> כי הגוים האלה אשר אתה יורש אותם--אל מעננים ואל קסמים ישמעו ואתה--לא כן נתן לך יהוה אלהיך
15 vnumber="15"> נביא מקרבך מאחיך כמני יקים לך יהוה אלהיך אליו תשמעון
16 vnumber="16"> ככל אשר שאלת מעם יהוה אלהיך בחרב ביום הקהל לאמר לא אסף לשמע את קול יהוה אלהי ואת האש הגדלה הזאת לא אראה עוד ולא אמות
17 vnumber="17"> ויאמר יהוה אלי היטיבו אשר דברו
18 vnumber="18"> נביא אקים להם מקרב אחיהם כמוך ונתתי דברי בפיו ודבר אליהם את כל אשר אצונו
19 vnumber="19"> והיה האיש אשר לא ישמע אל דברי אשר ידבר בשמי--אנכי אדרש מעמו
20 vnumber="20"> אך הנביא אשר יזיד לדבר דבר בשמי את אשר לא צויתיו לדבר ואשר ידבר בשם אלהים אחרים--ומת הנביא ההוא
21 vnumber="21"> וכי תאמר בלבבך איכה נדע את הדבר אשר לא דברו יהוה
22 vnumber="22"> אשר ידבר הנביא בשם יהוה ולא יהיה הדבר ולא יבא--הוא הדבר אשר לא דברו יהוה בזדון דברו הנביא לא תגור ממנו {ס}
art="x-p"/>