1 vnumber="1"> ויסעו כל עדת בני ישראל ממדבר סין למסעיהם--על פי יהוה ויחנו ברפידים ואין מים לשתת העם
2 vnumber="2"> וירב העם עם משה ויאמרו תנו לנו מים ונשתה ויאמר להם משה מה תריבון עמדי מה תנסון את יהוה
3 vnumber="3"> ויצמא שם העם למים וילן העם על משה ויאמר למה זה העליתנו ממצרים להמית אתי ואת בני ואת מקני בצמא
4 vnumber="4"> ויצעק משה אל יהוה לאמר מה אעשה לעם הזה עוד מעט וסקלני
5 vnumber="5"> ויאמר יהוה אל משה עבר לפני העם וקח אתך מזקני ישראל ומטך אשר הכית בו את היאר--קח בידך והלכת
6 vnumber="6"> הנני עמד לפניך שם על הצור בחרב והכית בצור ויצאו ממנו מים ושתה העם ויעש כן משה לעיני זקני ישראל
7 vnumber="7"> ויקרא שם המקום מסה ומריבה על ריב בני ישראל ועל נסתם את יהוה לאמר היש יהוה בקרבנו אם אין {פ}
art="x-p"/>
8 vnumber="8"> ויבא עמלק וילחם עם ישראל ברפידם
9 vnumber="9"> ויאמר משה אל יהושע בחר לנו אנשים וצא הלחם בעמלק מחר אנכי נצב על ראש הגבעה ומטה האלהים בידי
10 vnumber="10"> ויעש יהושע כאשר אמר לו משה--להלחם בעמלק ומשה אהרן וחור עלו ראש הגבעה
11 vnumber="11"> והיה כאשר ירים משה ידו--וגבר ישראל וכאשר יניח ידו וגבר עמלק
12 vnumber="12"> וידי משה כבדים ויקחו אבן וישימו תחתיו וישב עליה ואהרן וחור תמכו בידיו מזה אחד ומזה אחד ויהי ידיו אמונה עד בא השמש
13 vnumber="13"> ויחלש יהושע את עמלק ואת עמו לפי חרב {פ}
art="x-p"/>
14 vnumber="14"> ויאמר יהוה אל משה כתב זאת זכרון בספר ושים באזני יהושע כי מחה אמחה את זכר עמלק מתחת השמים
15 vnumber="15"> ויבן משה מזבח ויקרא שמו יהוה נסי
16 vnumber="16"> ויאמר כי יד על כס יה מלחמה ליהוה בעמלק--מדר דר {פ}
art="x-p"/>