1 vnumber="1"> אם במחתרת ימצא הגנב והכה ומת--אין לו דמים
2 vnumber="2"> אם זרחה השמש עליו דמים לו שלם ישלם--אם אין לו ונמכר בגנבתו
3 vnumber="3"> אם המצא תמצא בידו הגנבה משור עד חמור עד שה--חיים שנים ישלם {ס}
art="x-p"/>
4 vnumber="4"> כי יבער איש שדה או כרם ושלח את בעירה ובער בשדה אחר--מיטב שדהו ומיטב כרמו ישלם {ס}
art="x-p"/>
5 vnumber="5"> כי תצא אש ומצאה קצים ונאכל גדיש או הקמה או השדה--שלם ישלם המבער את הבערה {ס}
art="x-p"/>
6 vnumber="6"> כי יתן איש אל רעהו כסף או כלים לשמר וגנב מבית האיש--אם ימצא הגנב ישלם שנים
7 vnumber="7"> אם לא ימצא הגנב ונקרב בעל הבית אל האלהים אם לא שלח ידו במלאכת רעהו
8 vnumber="8"> על כל דבר פשע על שור על חמור על שה על שלמה על כל אבדה אשר יאמר כי הוא זה--עד האלהים יבא דבר שניהם אשר ירשיען אלהים ישלם שנים לרעהו {ס}
art="x-p"/>
9 vnumber="9"> כי יתן איש אל רעהו חמור או שור או שה וכל בהמה--לשמר ומת או נשבר או נשבה אין ראה
10 vnumber="10"> שבעת יהוה תהיה בין שניהם--אם לא שלח ידו במלאכת רעהו ולקח בעליו ולא ישלם
11 vnumber="11"> ואם גנב יגנב מעמו--ישלם לבעליו
12 vnumber="12"> אם טרף יטרף יבאהו עד הטרפה לא ישלם {פ}
art="x-p"/>
13 vnumber="13"> וכי ישאל איש מעם רעהו ונשבר או מת בעליו אין עמו שלם ישלם
14 vnumber="14"> אם בעליו עמו לא ישלם אם שכיר הוא בא בשכרו {ס}
art="x-p"/>
15 vnumber="15"> וכי יפתה איש בתולה אשר לא ארשה--ושכב עמה מהר ימהרנה לו לאשה
16 vnumber="16"> אם מאן ימאן אביה לתתה לו--כסף ישקל כמהר הבתולת {ס}
art="x-p"/>
17 vnumber="17"> מכשפה לא תחיה
18 vnumber="18"> כל שכב עם בהמה מות יומת {ס}
art="x-p"/>
19 vnumber="19"> זבח לאלהים יחרם--בלתי ליהוה לבדו
20 vnumber="20"> וגר לא תונה ולא תלחצנו כי גרים הייתם בארץ מצרים
21 vnumber="21"> כל אלמנה ויתום לא תענון
22 vnumber="22"> אם ענה תענה אתו--כי אם צעק יצעק אלי שמע אשמע צעקתו
23 vnumber="23"> וחרה אפי והרגתי אתכם בחרב והיו נשיכם אלמנות ובניכם יתמים {פ}
art="x-p"/>
24 vnumber="24"> אם כסף תלוה את עמי את העני עמך--לא תהיה לו כנשה לא תשימון עליו נשך
25 vnumber="25"> אם חבל תחבל שלמת רעך--עד בא השמש תשיבנו לו
26 vnumber="26"> כי הוא כסותה לבדה הוא שמלתו לערו במה ישכב--והיה כי יצעק אלי ושמעתי כי חנון אני {ס}
art="x-p"/>
27 vnumber="27"> אלהים לא תקלל ונשיא בעמך לא תאר
28 vnumber="28"> מלאתך ודמעך לא תאחר בכור בניך תתן לי
29 vnumber="29"> כן תעשה לשרך לצאנך שבעת ימים יהיה עם אמו ביום השמיני תתנו לי
30 vnumber="30"> ואנשי קדש תהיון לי ובשר בשדה טרפה לא תאכלו לכלב תשלכון אתו {ס}
art="x-p"/>