1 vnumber="1"> ועשית מזבח מקטר קטרת עצי שטים תעשה אתו
2 vnumber="2"> אמה ארכו ואמה רחבו רבוע יהיה ואמתים קמתו ממנו קרנתיו
3 vnumber="3"> וצפית אתו זהב טהור את גגו ואת קירתיו סביב--ואת קרנתיו ועשית לו זר זהב סביב
4 vnumber="4"> ושתי טבעת זהב תעשה לו מתחת לזרו על שתי צלעתיו--תעשה על שני צדיו והיה לבתים לבדים לשאת אתו בהמה
5 vnumber="5"> ועשית את הבדים עצי שטים וצפית אתם זהב
6 vnumber="6"> ונתתה אתו לפני הפרכת אשר על ארן העדת--לפני הכפרת אשר על העדת אשר אועד לך שמה
7 vnumber="7"> והקטיר עליו אהרן קטרת סמים בבקר בבקר בהיטיבו את הנרת--יקטירנה
8 vnumber="8"> ובהעלת אהרן את הנרת בין הערבים יקטירנה--קטרת תמיד לפני יהוה לדרתיכם
9 vnumber="9"> לא תעלו עליו קטרת זרה ועלה ומנחה ונסך לא תסכו עליו
10 vnumber="10"> וכפר אהרן על קרנתיו אחת בשנה מדם חטאת הכפרים אחת בשנה יכפר עליו לדרתיכם--קדש קדשים הוא ליהוה {פ}
art="x-p"/>
11 vnumber="11"> וידבר יהוה אל משה לאמר
12 vnumber="12"> כי תשא את ראש בני ישראל לפקדיהם ונתנו איש כפר נפשו ליהוה בפקד אתם ולא יהיה בהם נגף בפקד אתם
13 vnumber="13"> זה יתנו כל העבר על הפקדים--מחצית השקל בשקל הקדש עשרים גרה השקל--מחצית השקל תרומה ליהוה
14 vnumber="14"> כל העבר על הפקדים מבן עשרים שנה ומעלה--יתן תרומת יהוה
15 vnumber="15"> העשיר לא ירבה והדל לא ימעיט ממחצית השקל--לתת את תרומת יהוה לכפר על נפשתיכם
16 vnumber="16"> ולקחת את כסף הכפרים מאת בני ישראל ונתת אתו על עבדת אהל מועד והיה לבני ישראל לזכרון לפני יהוה לכפר על נפשתיכם {פ}
art="x-p"/>
17 vnumber="17"> וידבר יהוה אל משה לאמר
18 vnumber="18"> ועשית כיור נחשת וכנו נחשת--לרחצה ונתת אתו בין אהל מועד ובין המזבח ונתת שמה מים
19 vnumber="19"> ורחצו אהרן ובניו ממנו את ידיהם ואת רגליהם
20 vnumber="20"> בבאם אל אהל מועד ירחצו מים--ולא ימתו או בגשתם אל המזבח לשרת להקטיר אשה ליהוה
21 vnumber="21"> ורחצו ידיהם ורגליהם ולא ימתו והיתה להם חק עולם לו ולזרעו לדרתם {פ}
art="x-p"/>
22 vnumber="22"> וידבר יהוה אל משה לאמר
23 vnumber="23"> ואתה קח לך בשמים ראש מר דרור חמש מאות וקנמן בשם מחציתו חמשים ומאתים וקנה בשם חמשים ומאתים
24 vnumber="24"> וקדה חמש מאות בשקל הקדש ושמן זית הין
25 vnumber="25"> ועשית אתו שמן משחת קדש--רקח מרקחת מעשה רקח שמן משחת קדש יהיה
26 vnumber="26"> ומשחת בו את אהל מועד ואת ארון העדת
27 vnumber="27"> ואת השלחן ואת כל כליו ואת המנרה ואת כליה ואת מזבח הקטרת
28 vnumber="28"> ואת מזבח העלה ואת כל כליו ואת הכיר ואת כנו
29 vnumber="29"> וקדשת אתם והיו קדש קדשים כל הנגע בהם יקדש
30 vnumber="30"> ואת אהרן ואת בניו תמשח וקדשת אתם לכהן לי
31 vnumber="31"> ואל בני ישראל תדבר לאמר שמן משחת קדש יהיה זה לי--לדרתיכם
32 vnumber="32"> על בשר אדם לא ייסך ובמתכנתו לא תעשו כמהו קדש הוא קדש יהיה לכם
33 vnumber="33"> איש אשר ירקח כמהו ואשר יתן ממנו על זר--ונכרת מעמיו {ס}
art="x-p"/>
34 vnumber="34"> ויאמר יהוה אל משה קח לך סמים נטף ושחלת וחלבנה סמים ולבנה זכה בד בבד יהיה
35 vnumber="35"> ועשית אתה קטרת רקח מעשה רוקח ממלח טהור קדש
36 vnumber="36"> ושחקת ממנה הדק ונתתה ממנה לפני העדת באהל מועד אשר אועד לך שמה קדש קדשים תהיה לכם
37 vnumber="37"> והקטרת אשר תעשה--במתכנתה לא תעשו לכם קדש תהיה לך ליהוה
38 vnumber="38"> איש אשר יעשה כמוה להריח בה--ונכרת מעמיו {ס}
art="x-p"/>