1 vnumber="1"> ואחר באו משה ואהרן ויאמרו אל פרעה כה אמר יהוה אלהי ישראל שלח את עמי ויחגו לי במדבר
2 vnumber="2"> ויאמר פרעה--מי יהוה אשר אשמע בקלו לשלח את ישראל לא ידעתי את יהוה וגם את ישראל לא אשלח
3 vnumber="3"> ויאמרו אלהי העברים נקרא עלינו נלכה נא דרך שלשת ימים במדבר ונזבחה ליהוה אלהינו--פן יפגענו בדבר או בחרב
4 vnumber="4"> ויאמר אלהם מלך מצרים למה משה ואהרן תפריעו את העם ממעשיו לכו לסבלתיכם
5 vnumber="5"> ויאמר פרעה הן רבים עתה עם הארץ והשבתם אתם מסבלתם
6 vnumber="6"> ויצו פרעה ביום ההוא את הנגשים בעם ואת שטריו לאמר
7 vnumber="7"> לא תאספון לתת תבן לעם ללבן הלבנים--כתמול שלשם הם ילכו וקששו להם תבן
8 vnumber="8"> ואת מתכנת הלבנים אשר הם עשים תמול שלשם תשימו עליהם--לא תגרעו ממנו כי נרפים הם--על כן הם צעקים לאמר נלכה נזבחה לאלהינו
9 vnumber="9"> תכבד העבדה על האנשים ויעשו בה ואל ישעו בדברי שקר
10 vnumber="10"> ויצאו נגשי העם ושטריו ויאמרו אל העם לאמר כה אמר פרעה אינני נתן לכם תבן
11 vnumber="11"> אתם לכו קחו לכם תבן מאשר תמצאו כי אין נגרע מעבדתכם דבר
12 vnumber="12"> ויפץ העם בכל ארץ מצרים לקשש קש לתבן
13 vnumber="13"> והנגשים אצים לאמר כלו מעשיכם דבר יום ביומו כאשר בהיות התבן
14 vnumber="14"> ויכו שטרי בני ישראל אשר שמו עלהם נגשי פרעה לאמר מדוע לא כליתם חקכם ללבן כתמול שלשם--גם תמול גם היום
15 vnumber="15"> ויבאו שטרי בני ישראל ויצעקו אל פרעה לאמר למה תעשה כה לעבדיך
16 vnumber="16"> תבן אין נתן לעבדיך ולבנים אמרים לנו עשו והנה עבדיך מכים וחטאת עמך
17 vnumber="17"> ויאמר נרפים אתם נרפים על כן אתם אמרים נלכה נזבחה ליהוה
18 vnumber="18"> ועתה לכו עבדו ותבן לא ינתן לכם ותכן לבנים תתנו
19 vnumber="19"> ויראו שטרי בני ישראל אתם--ברע לאמר לא תגרעו מלבניכם דבר יום ביומו
20 vnumber="20"> ויפגעו את משה ואת אהרן נצבים לקראתם בצאתם מאת פרעה
21 vnumber="21"> ויאמרו אלהם ירא יהוה עליכם וישפט אשר הבאשתם את ריחנו בעיני פרעה ובעיני עבדיו לתת חרב בידם להרגנו
22 vnumber="22"> וישב משה אל יהוה ויאמר אדני למה הרעתה לעם הזה--למה זה שלחתני
23 vnumber="23"> ומאז באתי אל פרעה לדבר בשמך הרע לעם הזה והצל לא הצלת את עמך
art="x-p"/>