1 vnumber="1"> ויאמר יהוה אל משה עתה תראה אשר אעשה לפרעה כי ביד חזקה ישלחם וביד חזקה יגרשם מארצו {ס}
art="x-p"/>
2 vnumber="2"> וידבר אלהים אל משה ויאמר אליו אני יהוה
3 vnumber="3"> וארא אל אברהם אל יצחק ואל יעקב--באל שדי ושמי יהוה לא נודעתי להם
4 vnumber="4"> וגם הקמתי את בריתי אתם לתת להם את ארץ כנען--את ארץ מגריהם אשר גרו בה
5 vnumber="5"> וגם אני שמעתי את נאקת בני ישראל אשר מצרים מעבדים אתם ואזכר את בריתי
6 vnumber="6"> לכן אמר לבני ישראל אני יהוה והוצאתי אתכם מתחת סבלת מצרים והצלתי אתכם מעבדתם וגאלתי אתכם בזרוע נטויה ובשפטים גדלים
7 vnumber="7"> ולקחתי אתכם לי לעם והייתי לכם לאלהים וידעתם כי אני יהוה אלהיכם המוציא אתכם מתחת סבלות מצרים
8 vnumber="8"> והבאתי אתכם אל הארץ אשר נשאתי את ידי לתת אתה לאברהם ליצחק וליעקב ונתתי אתה לכם מורשה אני יהוה
9 vnumber="9"> וידבר משה כן אל בני ישראל ולא שמעו אל משה מקצר רוח ומעבדה קשה {פ}
art="x-p"/>
10 vnumber="10"> וידבר יהוה אל משה לאמר
11 vnumber="11"> בא דבר אל פרעה מלך מצרים וישלח את בני ישראל מארצו
12 vnumber="12"> וידבר משה לפני יהוה לאמר הן בני ישראל לא שמעו אלי ואיך ישמעני פרעה ואני ערל שפתים {פ}
art="x-p"/>
13 vnumber="13"> וידבר יהוה אל משה ואל אהרן ויצום אל בני ישראל ואל פרעה מלך מצרים--להוציא את בני ישראל מארץ מצרים {ס}
art="x-p"/>
14 vnumber="14"> אלה ראשי בית אבתם בני ראובן בכר ישראל חנוך ופלוא חצרן וכרמי--אלה משפחת ראובן
15 vnumber="15"> ובני שמעון ימואל וימין ואהד ויכין וצחר ושאול בן הכנענית אלה משפחת שמעון
16 vnumber="16"> ואלה שמות בני לוי לתלדתם--גרשון וקהת ומררי ושני חיי לוי שבע ושלשים ומאת שנה
17 vnumber="17"> בני גרשון לבני ושמעי למשפחתם
18 vnumber="18"> ובני קהת--עמרם ויצהר וחברון ועזיאל ושני חיי קהת שלש ושלשים ומאת שנה
19 vnumber="19"> ובני מררי מחלי ומושי אלה משפחת הלוי לתלדתם
20 vnumber="20"> ויקח עמרם את יוכבד דדתו לו לאשה ותלד לו את אהרן ואת משה ושני חיי עמרם שבע ושלשים ומאת שנה
21 vnumber="21"> ובני יצהר--קרח ונפג וזכרי
22 vnumber="22"> ובני עזיאל--מישאל ואלצפן וסתרי
23 vnumber="23"> ויקח אהרן את אלישבע בת עמינדב אחות נחשון--לו לאשה ותלד לו את נדב ואת אביהוא את אלעזר ואת איתמר
24 vnumber="24"> ובני קרח אסיר ואלקנה ואביאסף אלה משפחת הקרחי
25 vnumber="25"> ואלעזר בן אהרן לקח לו מבנות פוטיאל לו לאשה ותלד לו את פינחס אלה ראשי אבות הלוים--למשפחתם
26 vnumber="26"> הוא אהרן ומשה--אשר אמר יהוה להם הוציאו את בני ישראל מארץ מצרים על צבאתם
27 vnumber="27"> הם המדברים אל פרעה מלך מצרים להוציא את בני ישראל ממצרים הוא משה ואהרן
28 vnumber="28"> ויהי ביום דבר יהוה אל משה--בארץ מצרים {ס}
art="x-p"/>
29 vnumber="29"> וידבר יהוה אל משה לאמר אני יהוה דבר אל פרעה מלך מצרים את כל אשר אני דבר אליך
30 vnumber="30"> ויאמר משה לפני יהוה הן אני ערל שפתים ואיך ישמע אלי פרעה {פ}
art="x-p"/>