1 vnumber="1"> ויאמר אלי בן אדם עמד על רגליך ואדבר אתך
2 vnumber="2"> ותבא בי רוח כאשר דבר אלי ותעמדני על רגלי ואשמע את מדבר אלי {פ}
art="x-p"/>
3 vnumber="3"> ויאמר אלי בן אדם שולח אני אותך אל בני ישראל--אל גוים המורדים אשר מרדו בי המה ואבותם פשעו בי עד עצם היום הזה
4 vnumber="4"> והבנים קשי פנים וחזקי לב--אני שולח אותך אליהם ואמרת אליהם כה אמר אדני יהוה
5 vnumber="5"> והמה אם ישמעו ואם יחדלו כי בית מרי המה--וידעו כי נביא היה בתוכם {פ}
art="x-p"/>
6 vnumber="6"> ואתה בן אדם אל תירא מהם ומדבריהם אל תירא כי סרבים וסלונים אותך ואל עקרבים אתה יושב מדבריהם אל תירא ומפניהם אל תחת כי בית מרי המה
7 vnumber="7"> ודברת את דברי אליהם אם ישמעו ואם יחדלו כי מרי המה {פ}
art="x-p"/>
8 vnumber="8"> ואתה בן אדם שמע את אשר אני מדבר אליך--אל תהי מרי כבית המרי פצה פיך--ואכל את אשר אני נתן אליך
9 vnumber="9"> ואראה והנה יד שלוחה אלי והנה בו מגלת ספר
10 vnumber="10"> ויפרש אותה לפני והיא כתובה פנים ואחור וכתוב אליה קנים והגה והי {ס}
art="x-p"/>