1 vnumber="1"> ויהי בימי אמרפל מלך שנער אריוך מלך אלסר כדרלעמר מלך עילם ותדעל מלך גוים
2 vnumber="2"> עשו מלחמה את ברע מלך סדם ואת ברשע מלך עמרה שנאב מלך אדמה ושמאבר מלך צביים ומלך בלע היא צער
3 vnumber="3"> כל אלה חברו אל עמק השדים הוא ים המלח
4 vnumber="4"> שתים עשרה שנה עבדו את כדרלעמר ושלש עשרה שנה מרדו
5 vnumber="5"> ובארבע עשרה שנה בא כדרלעמר והמלכים אשר אתו ויכו את רפאים בעשתרת קרנים ואת הזוזים בהם ואת האימים בשוה קריתים
6 vnumber="6"> ואת החרי בהררם שעיר עד איל פארן אשר על המדבר
7 vnumber="7"> וישבו ויבאו אל עין משפט הוא קדש ויכו את כל שדה העמלקי--וגם את האמרי הישב בחצצן תמר
8 vnumber="8"> ויצא מלך סדם ומלך עמרה ומלך אדמה ומלך צביים ומלך בלע הוא צער ויערכו אתם מלחמה בעמק השדים
9 vnumber="9"> את כדרלעמר מלך עילם ותדעל מלך גוים ואמרפל מלך שנער ואריוך מלך אלסר--ארבעה מלכים את החמשה
10 vnumber="10"> ועמק השדים בארת בארת חמר וינסו מלך סדם ועמרה ויפלו שמה והנשארים הרה נסו
11 vnumber="11"> ויקחו את כל רכש סדם ועמרה ואת כל אכלם--וילכו
12 vnumber="12"> ויקחו את לוט ואת רכשו בן אחי אברם וילכו והוא ישב בסדם
13 vnumber="13"> ויבא הפליט ויגד לאברם העברי והוא שכן באלני ממרא האמרי אחי אשכל ואחי ענר והם בעלי ברית אברם
14 vnumber="14"> וישמע אברם כי נשבה אחיו וירק את חניכיו ילידי ביתו שמנה עשר ושלש מאות וירדף עד דן
15 vnumber="15"> ויחלק עליהם לילה הוא ועבדיו ויכם וירדפם עד חובה אשר משמאל לדמשק
16 vnumber="16"> וישב את כל הרכש וגם את לוט אחיו ורכשו השיב וגם את הנשים ואת העם
17 vnumber="17"> ויצא מלך סדם לקראתו אחרי שובו מהכות את כדרלעמר ואת המלכים אשר אתו--אל עמק שוה הוא עמק המלך
18 vnumber="18"> ומלכי צדק מלך שלם הוציא לחם ויין והוא כהן לאל עליון
19 vnumber="19"> ויברכהו ויאמר ברוך אברם לאל עליון קנה שמים וארץ
20 vnumber="20"> וברוך אל עליון אשר מגן צריך בידך ויתן לו מעשר מכל
21 vnumber="21"> ויאמר מלך סדם אל אברם תן לי הנפש והרכש קח לך
22 vnumber="22"> ויאמר אברם אל מלך סדם הרמתי ידי אל יהוה אל עליון קנה שמים וארץ
23 vnumber="23"> אם מחוט ועד שרוך נעל ואם אקח מכל אשר לך ולא תאמר אני העשרתי את אברם
24 vnumber="24"> בלעדי רק אשר אכלו הנערים וחלק האנשים אשר הלכו אתי ענר אשכל וממרא הם יקחו חלקם {ס}
art="x-p"/>