1 א ב ראשית ברא אלהים את השמים ואת הארץ
2 vnumber="2"> והארץ היתה תהו ובהו וחשך על פני תהום ורוח אלהים מרחפת על פני המים
3 vnumber="3"> ויאמר אלהים יהי אור ויהי אור
4 vnumber="4"> וירא אלהים את האור כי טוב ויבדל אלהים בין האור ובין החשך
5 vnumber="5"> ויקרא אלהים לאור יום ולחשך קרא לילה ויהי ערב ויהי בקר יום אחד {פ}
art="x-p"/>
6 vnumber="6"> ויאמר אלהים יהי רקיע בתוך המים ויהי מבדיל בין מים למים
7 vnumber="7"> ויעש אלהים את הרקיע ויבדל בין המים אשר מתחת לרקיע ובין המים אשר מעל לרקיע ויהי כן
8 vnumber="8"> ויקרא אלהים לרקיע שמים ויהי ערב ויהי בקר יום שני {פ}
art="x-p"/>
9 vnumber="9"> ויאמר אלהים יקוו המים מתחת השמים אל מקום אחד ותראה היבשה ויהי כן
10 vnumber="10"> ויקרא אלהים ליבשה ארץ ולמקוה המים קרא ימים וירא אלהים כי טוב
11 vnumber="11"> ויאמר אלהים תדשא הארץ דשא עשב מזריע זרע עץ פרי עשה פרי למינו אשר זרעו בו על הארץ ויהי כן
12 vnumber="12"> ותוצא הארץ דשא עשב מזריע זרע למינהו ועץ עשה פרי אשר זרעו בו למינהו וירא אלהים כי טוב
13 vnumber="13"> ויהי ערב ויהי בקר יום שלישי {פ}
art="x-p"/>
14 vnumber="14"> ויאמר אלהים יהי מארת ברקיע השמים להבדיל בין היום ובין הלילה והיו לאתת ולמועדים ולימים ושנים
15 vnumber="15"> והיו למאורת ברקיע השמים להאיר על הארץ ויהי כן
16 vnumber="16"> ויעש אלהים את שני המארת הגדלים את המאור הגדל לממשלת היום ואת המאור הקטן לממשלת הלילה ואת הכוכבים
17 vnumber="17"> ויתן אתם אלהים ברקיע השמים להאיר על הארץ
18 vnumber="18"> ולמשל ביום ובלילה ולהבדיל בין האור ובין החשך וירא אלהים כי טוב
19 vnumber="19"> ויהי ערב ויהי בקר יום רביעי {פ}
art="x-p"/>
20 vnumber="20"> ויאמר אלהים--ישרצו המים שרץ נפש חיה ועוף יעופף על הארץ על פני רקיע השמים
21 vnumber="21"> ויברא אלהים את התנינם הגדלים ואת כל נפש החיה הרמשת אשר שרצו המים למינהם ואת כל עוף כנף למינהו וירא אלהים כי טוב
22 vnumber="22"> ויברך אתם אלהים לאמר פרו ורבו ומלאו את המים בימים והעוף ירב בארץ
23 vnumber="23"> ויהי ערב ויהי בקר יום חמישי {פ}
art="x-p"/>
24 vnumber="24"> ויאמר אלהים תוצא הארץ נפש חיה למינה בהמה ורמש וחיתו ארץ למינה ויהי כן
25 vnumber="25"> ויעש אלהים את חית הארץ למינה ואת הבהמה למינה ואת כל רמש האדמה למינהו וירא אלהים כי טוב
26 vnumber="26"> ויאמר אלהים נעשה אדם בצלמנו כדמותנו וירדו בדגת הים ובעוף השמים ובבהמה ובכל הארץ ובכל הרמש הרמש על הארץ
27 vnumber="27"> ויברא אלהים את האדם בצלמו בצלם אלהים ברא אתו זכר ונקבה ברא אתם
28 vnumber="28"> ויברך אתם אלהים ויאמר להם אלהים פרו ורבו ומלאו את הארץ וכבשה ורדו בדגת הים ובעוף השמים ובכל חיה הרמשת על הארץ
29 vnumber="29"> ויאמר אלהים הנה נתתי לכם את כל עשב זרע זרע אשר על פני כל הארץ ואת כל העץ אשר בו פרי עץ זרע זרע לכם יהיה לאכלה
30 vnumber="30"> ולכל חית הארץ ולכל עוף השמים ולכל רומש על הארץ אשר בו נפש חיה את כל ירק עשב לאכלה ויהי כן
31 vnumber="31"> וירא אלהים את כל אשר עשה והנה טוב מאד ויהי ערב ויהי בקר יום הששי {פ}
art="x-p"/>