1 vnumber="1"> ויצו את אשר על ביתו לאמר מלא את אמתחת האנשים אכל כאשר יוכלון שאת ושים כסף איש בפי אמתחתו
2 vnumber="2"> ואת גביעי גביע הכסף תשים בפי אמתחת הקטן ואת כסף שברו ויעש כדבר יוסף אשר דבר
3 vnumber="3"> הבקר אור והאנשים שלחו המה וחמריהם
4 vnumber="4"> הם יצאו את העיר לא הרחיקו ויוסף אמר לאשר על ביתו קום רדף אחרי האנשים והשגתם ואמרת אלהם למה שלמתם רעה תחת טובה
5 vnumber="5"> הלוא זה אשר ישתה אדני בו והוא נחש ינחש בו הרעתם אשר עשיתם
6 vnumber="6"> וישגם וידבר אלהם את הדברים האלה
7 vnumber="7"> ויאמרו אליו--למה ידבר אדני כדברים האלה חלילה לעבדיך מעשות כדבר הזה
8 vnumber="8"> הן כסף אשר מצאנו בפי אמתחתינו--השיבנו אליך מארץ כנען ואיך נגנב מבית אדניך כסף או זהב
9 vnumber="9"> אשר ימצא אתו מעבדיך ומת וגם אנחנו נהיה לאדני לעבדים
10 vnumber="10"> ויאמר גם עתה כדבריכם כן הוא אשר ימצא אתו יהיה לי עבד ואתם תהיו נקים
11 vnumber="11"> וימהרו ויורדו איש את אמתחתו--ארצה ויפתחו איש אמתחתו
12 vnumber="12"> ויחפש--בגדול החל ובקטן כלה וימצא הגביע באמתחת בנימן
13 vnumber="13"> ויקרעו שמלתם ויעמס איש על חמרו וישבו העירה
14 vnumber="14"> ויבא יהודה ואחיו ביתה יוסף והוא עודנו שם ויפלו לפניו ארצה
15 vnumber="15"> ויאמר להם יוסף מה המעשה הזה אשר עשיתם הלוא ידעתם כי נחש ינחש איש אשר כמני
16 vnumber="16"> ויאמר יהודה מה נאמר לאדני מה נדבר ומה נצטדק האלהים מצא את עון עבדיך--הננו עבדים לאדני גם אנחנו גם אשר נמצא הגביע בידו
17 vnumber="17"> ויאמר--חלילה לי מעשות זאת האיש אשר נמצא הגביע בידו הוא יהיה לי עבד ואתם עלו לשלום אל אביכם {ס}
art="x-p"/>
18 vnumber="18"> ויגש אליו יהודה ויאמר בי אדני ידבר נא עבדך דבר באזני אדני ואל יחר אפך בעבדך כי כמוך כפרעה
19 vnumber="19"> אדני שאל את עבדיו לאמר היש לכם אב או אח
20 vnumber="20"> ונאמר אל אדני יש לנו אב זקן וילד זקנים קטן ואחיו מת ויותר הוא לבדו לאמו ואביו אהבו
21 vnumber="21"> ותאמר אל עבדיך הורדהו אלי ואשימה עיני עליו
22 vnumber="22"> ונאמר אל אדני לא יוכל הנער לעזב את אביו ועזב את אביו ומת
23 vnumber="23"> ותאמר אל עבדיך אם לא ירד אחיכם הקטן אתכם--לא תספון לראות פני
24 vnumber="24"> ויהי כי עלינו אל עבדך אבי ונגד לו--את דברי אדני
25 vnumber="25"> ויאמר אבינו שבו שברו לנו מעט אכל
26 vnumber="26"> ונאמר לא נוכל לרדת אם יש אחינו הקטן אתנו וירדנו--כי לא נוכל לראות פני האיש ואחינו הקטן איננו אתנו
27 vnumber="27"> ויאמר עבדך אבי אלינו אתם ידעתם כי שנים ילדה לי אשתי
28 vnumber="28"> ויצא האחד מאתי ואמר אך טרף טרף ולא ראיתיו עד הנה
29 vnumber="29"> ולקחתם גם את זה מעם פני וקרהו אסון--והורדתם את שיבתי ברעה שאלה
30 vnumber="30"> ועתה כבאי אל עבדך אבי והנער איננו אתנו ונפשו קשורה בנפשו
31 vnumber="31"> והיה כראותו כי אין הנער--ומת והורידו עבדיך את שיבת עבדך אבינו ביגון--שאלה
32 vnumber="32"> כי עבדך ערב את הנער מעם אבי לאמר אם לא אביאנו אליך וחטאתי לאבי כל הימים
33 vnumber="33"> ועתה ישב נא עבדך תחת הנער--עבד לאדני והנער יעל עם אחיו
34 vnumber="34"> כי איך אעלה אל אבי והנער איננו אתי פן אראה ברע אשר ימצא את אבי
art="x-p"/>