1 vnumber="1"> ויסע ישראל וכל אשר לו ויבא בארה שבע ויזבח זבחים לאלהי אביו יצחק
2 vnumber="2"> ויאמר אלהים לישראל במראת הלילה ויאמר יעקב יעקב ויאמר הנני
3 vnumber="3"> ויאמר אנכי האל אלהי אביך אל תירא מרדה מצרימה כי לגוי גדול אשימך שם
4 vnumber="4"> אנכי ארד עמך מצרימה ואנכי אעלך גם עלה ויוסף ישית ידו על עיניך
5 vnumber="5"> ויקם יעקב מבאר שבע וישאו בני ישראל את יעקב אביהם ואת טפם ואת נשיהם בעגלות אשר שלח פרעה לשאת אתו
6 vnumber="6"> ויקחו את מקניהם ואת רכושם אשר רכשו בארץ כנען ויבאו מצרימה יעקב וכל זרעו אתו
7 vnumber="7"> בניו ובני בניו אתו בנתיו ובנות בניו וכל זרעו--הביא אתו מצרימה {ס}
art="x-p"/>
8 vnumber="8"> ואלה שמות בני ישראל הבאים מצרימה יעקב ובניו בכר יעקב ראובן
9 vnumber="9"> ובני ראובן--חנוך ופלוא וחצרן וכרמי
10 vnumber="10"> ובני שמעון ימואל וימין ואהד--ויכין וצחר ושאול בן הכנענית
11 vnumber="11"> ובני לוי--גרשון קהת ומררי
12 vnumber="12"> ובני יהודה ער ואונן ושלה--ופרץ וזרח וימת ער ואונן בארץ כנען ויהיו בני פרץ חצרן וחמול
13 vnumber="13"> ובני יששכר--תולע ופוה ויוב ושמרן
14 vnumber="14"> ובני זבלון--סרד ואלון ויחלאל
15 vnumber="15"> אלה בני לאה אשר ילדה ליעקב בפדן ארם ואת דינה בתו כל נפש בניו ובנותיו שלשים ושלש
16 vnumber="16"> ובני גד צפיון וחגי שוני ואצבן ערי וארודי ואראלי
17 vnumber="17"> ובני אשר ימנה וישוה וישוי ובריעה--ושרח אחתם ובני בריעה חבר ומלכיאל
18 vnumber="18"> אלה בני זלפה אשר נתן לבן ללאה בתו ותלד את אלה ליעקב שש עשרה נפש
19 vnumber="19"> בני רחל אשת יעקב יוסף ובנימן
20 vnumber="20"> ויולד ליוסף בארץ מצרים אשר ילדה לו אסנת בת פוטי פרע כהן אן--את מנשה ואת אפרים
21 vnumber="21"> ובני בנימן בלע ובכר ואשבל גרא ונעמן אחי וראש מפים וחפים וארד
22 vnumber="22"> אלה בני רחל אשר ילד ליעקב--כל נפש ארבעה עשר
23 vnumber="23"> ובני דן חשים
24 vnumber="24"> ובני נפתלי--יחצאל וגוני ויצר ושלם
25 vnumber="25"> אלה בני בלהה אשר נתן לבן לרחל בתו ותלד את אלה ליעקב כל נפש שבעה
26 vnumber="26"> כל הנפש הבאה ליעקב מצרימה יצאי ירכו מלבד נשי בני יעקב--כל נפש ששים ושש
27 vnumber="27"> ובני יוסף אשר ילד לו במצרים נפש שנים כל הנפש לבית יעקב הבאה מצרימה שבעים {ס}
art="x-p"/>
28 vnumber="28"> ואת יהודה שלח לפניו אל יוסף להורת לפניו גשנה ויבאו ארצה גשן
29 vnumber="29"> ויאסר יוסף מרכבתו ויעל לקראת ישראל אביו גשנה וירא אליו ויפל על צואריו ויבך על צואריו עוד
30 vnumber="30"> ויאמר ישראל אל יוסף אמותה הפעם אחרי ראותי את פניך כי עודך חי
31 vnumber="31"> ויאמר יוסף אל אחיו ואל בית אביו אעלה ואגידה לפרעה ואמרה אליו אחי ובית אבי אשר בארץ כנען באו אלי
32 vnumber="32"> והאנשים רעי צאן כי אנשי מקנה היו וצאנם ובקרם וכל אשר להם הביאו
33 vnumber="33"> והיה כי יקרא לכם פרעה ואמר מה מעשיכם
34 vnumber="34"> ואמרתם אנשי מקנה היו עבדיך מנעורינו ועד עתה--גם אנחנו גם אבתינו בעבור תשבו בארץ גשן כי תועבת מצרים כל רעה צאן
art="x-p"/>