1 vnumber="1"> css="font-weight:bold"> א ויצא חטר מגזע ישי ונצר משרשיו יפרה
2 vnumber="2"> css="font-weight:bold"> ב ונחה עליו רוח יהוה--רוח חכמה ובינה רוח עצה וגבורה רוח דעת ויראת יהוה
3 vnumber="3"> css="font-weight:bold"> ג והריחו ביראת יהוה ולא למראה עיניו ישפוט ולא למשמע אזניו יוכיח
4 vnumber="4"> css="font-weight:bold"> ד ושפט בצדק דלים והוכיח במישור לענוי ארץ והכה ארץ בשבט פיו וברוח שפתיו ימית רשע
5 vnumber="5"> css="font-weight:bold"> ה והיה צדק אזור מתניו והאמונה אזור חלציו
6 vnumber="6"> css="font-weight:bold"> ו וגר זאב עם כבש ונמר עם גדי ירבץ ועגל וכפיר ומריא יחדו ונער קטן נהג בם
7 vnumber="7"> css="font-weight:bold"> ז ופרה ודב תרעינה יחדו ירבצו ילדיהן ואריה כבקר יאכל תבן
8 vnumber="8"> css="font-weight:bold"> ח ושעשע יונק על חר פתן ועל מאורת צפעוני גמול ידו הדה
9 vnumber="9"> css="font-weight:bold"> ט לא ירעו ולא ישחיתו בכל הר קדשי כי מלאה הארץ דעה את יהוה כמים לים מכסים {ס} art="x-p"/>
10 vnumber="10"> css="font-weight:bold"> י והיה ביום ההוא שרש ישי אשר עמד לנס עמים אליו גוים ידרשו והיתה מנחתו כבוד {פ} art="x-p"/>
11 vnumber="11"> css="font-weight:bold"> יא והיה ביום ההוא יוסיף אדני שנית ידו לקנות את שאר עמו--אשר ישאר מאשור וממצרים ומפתרוס ומכוש ומעילם ומשנער ומחמת ומאיי הים
12 vnumber="12"> css="font-weight:bold"> יב ונשא נס לגוים ואסף נדחי ישראל ונפצות יהודה יקבץ מארבע כנפות הארץ
13 vnumber="13"> css="font-weight:bold"> יג וסרה קנאת אפרים וצררי יהודה יכרתו אפרים לא יקנא את יהודה ויהודה לא יצר את אפרים
14 vnumber="14"> css="font-weight:bold"> יד ועפו בכתף פלשתים ימה יחדו יבזו את בני קדם אדום ומואב משלוח ידם ובני עמון משמעתם
15 vnumber="15"> css="font-weight:bold"> טו והחרים יהוה את לשון ים מצרים והניף ידו על הנהר בעים רוחו והכהו לשבעה נחלים והדריך בנעלים
16 vnumber="16"> css="font-weight:bold"> טז והיתה מסלה--לשאר עמו אשר ישאר מאשור כאשר היתה לישראל ביום עלתו מארץ מצרים art="x-p"/>