1 vnumber="1"> העם ההלכים בחשך ראו אור גדול ישבי בארץ צלמות אור נגה עליהם
2 vnumber="2"> הרבית הגוי לא (לו) הגדלת השמחה שמחו לפניך כשמחת בקציר כאשר יגילו בחלקם שלל
3 vnumber="3"> כי את על סבלו ואת מטה שכמו שבט הנגש בו--החתת כיום מדין
4 vnumber="4"> כי כל סאון סאן ברעש ושמלה מגוללה בדמים והיתה לשרפה מאכלת אש
5 vnumber="5"> כי ילד ילד לנו בן נתן לנו ותהי המשרה על שכמו ויקרא שמו פלא יועץ אל גבור אבי עד שר שלום
6 vnumber="6"> לם רבה (למרבה) המשרה ולשלום אין קץ על כסא דוד ועל ממלכתו להכין אתה ולסעדה במשפט ובצדקה מעתה ועד עולם קנאת יהוה צבאות תעשה זאת {פ}
art="x-p"/>
7 vnumber="7"> דבר שלח אדני ביעקב ונפל בישראל
8 vnumber="8"> וידעו העם כלו אפרים ויושב שמרון בגאוה ובגדל לבב לאמר
9 vnumber="9"> לבנים נפלו וגזית נבנה שקמים גדעו וארזים נחליף
10 vnumber="10"> וישגב יהוה את צרי רצין עליו ואת איביו יסכסך
11 vnumber="11"> ארם מקדם ופלשתים מאחור ויאכלו את ישראל בכל פה בכל זאת לא שב אפו ועוד ידו נטויה
12 vnumber="12"> והעם לא שב עד המכהו ואת יהוה צבאות לא דרשו {ס}
art="x-p"/>
13 vnumber="13"> ויכרת יהוה מישראל ראש וזנב כפה ואגמון--יום אחד
14 vnumber="14"> זקן ונשוא פנים הוא הראש ונביא מורה שקר הוא הזנב
15 vnumber="15"> ויהיו מאשרי העם הזה מתעים ומאשריו מבלעים
16 vnumber="16"> על כן על בחוריו לא ישמח אדני ואת יתמיו ואת אלמנותיו לא ירחם--כי כלו חנף ומרע וכל פה דבר נבלה בכל זאת לא שב אפו ועוד ידו נטויה
17 vnumber="17"> כי בערה כאש רשעה שמיר ושית תאכל ותצת בסבכי היער ויתאבכו גאות עשן
18 vnumber="18"> בעברת יהוה צבאות נעתם ארץ ויהי העם כמאכלת אש איש אל אחיו לא יחמלו
19 vnumber="19"> ויגזר על ימין ורעב ויאכל על שמאול ולא שבעו איש בשר זרעו יאכלו
20 vnumber="20"> מנשה את אפרים ואפרים את מנשה--יחדו המה על יהודה בכל זאת לא שב אפו ועוד ידו נטויה {ס}
art="x-p"/>