1 vnumber="1"> דברי ירמיהו בן חלקיהו מן הכהנים אשר בענתות בארץ בנימן
2 vnumber="2"> אשר היה דבר יהוה אליו בימי יאשיהו בן אמון מלך יהודה בשלש עשרה שנה למלכו
3 vnumber="3"> ויהי בימי יהויקים בן יאשיהו מלך יהודה עד תם עשתי עשרה שנה לצדקיהו בן יאשיהו מלך יהודה--עד גלות ירושלם בחדש החמישי {פ}
art="x-p"/>
4 vnumber="4"> ויהי דבר יהוה אלי לאמר
5 vnumber="5"> בטרם אצורך (אצרך) בבטן ידעתיך ובטרם תצא מרחם הקדשתיך נביא לגוים נתתיך
6 vnumber="6"> ואמר אהה אדני יהוה הנה לא ידעתי דבר כי נער אנכי {ס}
art="x-p"/>
7 vnumber="7"> ויאמר יהוה אלי אל תאמר נער אנכי כי על כל אשר אשלחך תלך ואת כל אשר אצוך תדבר
8 vnumber="8"> אל תירא מפניהם כי אתך אני להצלך נאם יהוה
9 vnumber="9"> וישלח יהוה את ידו ויגע על פי ויאמר יהוה אלי הנה נתתי דברי בפיך
10 vnumber="10"> ראה הפקדתיך היום הזה על הגוים ועל הממלכות לנתוש ולנתוץ ולהאביד ולהרוס--לבנות ולנטוע {פ}
art="x-p"/>
11 vnumber="11"> ויהי דבר יהוה אלי לאמר מה אתה ראה ירמיהו ואמר מקל שקד אני ראה
12 vnumber="12"> ויאמר יהוה אלי היטבת לראות כי שקד אני על דברי לעשתו {ס}
art="x-p"/>
13 vnumber="13"> ויהי דבר יהוה אלי שנית לאמר מה אתה ראה ואמר סיר נפוח אני ראה ופניו מפני צפונה
14 vnumber="14"> ויאמר יהוה אלי מצפון תפתח הרעה על כל ישבי הארץ
15 vnumber="15"> כי הנני קרא לכל משפחות ממלכות צפונה--נאם יהוה ובאו ונתנו איש כסאו פתח שערי ירושלם ועל כל חומתיה סביב ועל כל ערי יהודה
16 vnumber="16"> ודברתי משפטי אותם על כל רעתם--אשר עזבוני ויקטרו לאלהים אחרים וישתחוו למעשי ידיהם
17 vnumber="17"> ואתה תאזר מתניך וקמת ודברת אליהם את כל אשר אנכי אצוך אל תחת מפניהם--פן אחתך לפניהם
18 vnumber="18"> ואני הנה נתתיך היום לעיר מבצר ולעמוד ברזל ולחמות נחשת--על כל הארץ למלכי יהודה לשריה לכהניה ולעם הארץ
19 vnumber="19"> ונלחמו אליך ולא יוכלו לך כי אתך אני נאם יהוה להצילך {פ}
art="x-p"/>