1 vnumber="1"> הוי רעים מאבדים ומפצים את צאן מרעיתי--נאם יהוה {ס}
art="x-p"/>
2 vnumber="2"> לכן כה אמר יהוה אלהי ישראל על הרעים הרעים את עמי אתם הפצתם את צאני ותדחום ולא פקדתם אתם הנני פקד עליכם את רע מעלליכם נאם יהוה
3 vnumber="3"> ואני אקבץ את שארית צאני מכל הארצות אשר הדחתי אתם שם והשבתי אתהן על נוהן ופרו ורבו
4 vnumber="4"> והקמתי עליהם רעים ורעום ולא ייראו עוד ולא יחתו ולא יפקדו נאם יהוה {ס}
art="x-p"/>
5 vnumber="5"> הנה ימים באים נאם יהוה והקמתי לדוד צמח צדיק ומלך מלך והשכיל ועשה משפט וצדקה בארץ
6 vnumber="6"> בימיו תושע יהודה וישראל ישכן לבטח וזה שמו אשר יקראו יהוה צדקנו {פ}
art="x-p"/>
7 vnumber="7"> לכן הנה ימים באים נאם יהוה ולא יאמרו עוד חי יהוה אשר העלה את בני ישראל מארץ מצרים
8 vnumber="8"> כי אם חי יהוה אשר העלה ואשר הביא את זרע בית ישראל מארץ צפונה ומכל הארצות אשר הדחתים שם וישבו על אדמתם {פ}
art="x-p"/>
9 vnumber="9"> לנבאים נשבר לבי בקרבי רחפו כל עצמותי--הייתי כאיש שכור וכגבר עברו יין מפני יהוה ומפני דברי קדשו
10 vnumber="10"> כי מנאפים מלאה הארץ--כי מפני אלה אבלה הארץ יבשו נאות מדבר ותהי מרוצתם רעה וגבורתם לא כן
11 vnumber="11"> כי גם נביא גם כהן חנפו גם בביתי מצאתי רעתם נאם יהוה
12 vnumber="12"> לכן יהיה דרכם להם כחלקלקות באפלה ידחו ונפלו בה כי אביא עליהם רעה שנת פקדתם נאם יהוה
13 vnumber="13"> ובנביאי שמרון ראיתי תפלה הנבאו בבעל ויתעו את עמי את ישראל
14 vnumber="14"> ובנבאי ירושלם ראיתי שערורה נאוף והלך בשקר וחזקו ידי מרעים לבלתי שבו איש מרעתו היו לי כלם כסדם וישביה כעמרה {פ}
art="x-p"/>
15 vnumber="15"> לכן כה אמר יהוה צבאות על הנבאים הנני מאכיל אותם לענה והשקתים מי ראש כי מאת נביאי ירושלם יצאה חנפה לכל הארץ {פ}
art="x-p"/>
16 vnumber="16"> כה אמר יהוה צבאות אל תשמעו על דברי הנבאים הנבאים לכם--מהבלים המה אתכם חזון לבם ידברו לא מפי יהוה
17 vnumber="17"> אמרים אמור למנאצי דבר יהוה שלום יהיה לכם וכל הלך בשררות לבו אמרו לא תבוא עליכם רעה
18 vnumber="18"> כי מי עמד בסוד יהוה וירא וישמע את דברו מי הקשיב דברי (דברו) וישמע {ס}
art="x-p"/>
19 vnumber="19"> הנה סערת יהוה חמה יצאה וסער מתחולל על ראש רשעים יחול
20 vnumber="20"> לא ישוב אף יהוה עד עשתו ועד הקימו מזמות לבו באחרית הימים תתבוננו בה בינה
21 vnumber="21"> לא שלחתי את הנבאים והם רצו לא דברתי אליהם והם נבאו
22 vnumber="22"> ואם עמדו בסודי--וישמעו דברי את עמי וישבום מדרכם הרע ומרע מעלליהם {ס}
art="x-p"/>
23 vnumber="23"> האלהי מקרב אני נאם יהוה ולא אלהי מרחק
24 vnumber="24"> אם יסתר איש במסתרים ואני לא אראנו נאם יהוה הלוא את השמים ואת הארץ אני מלא נאם יהוה
25 vnumber="25"> שמעתי את אשר אמרו הנבאים הנבאים בשמי שקר לאמר חלמתי חלמתי
26 vnumber="26"> עד מתי היש בלב הנבאים--נבאי השקר ונביאי תרמת לבם
27 vnumber="27"> החשבים להשכיח את עמי שמי בחלומתם אשר יספרו איש לרעהו--כאשר שכחו אבותם את שמי בבעל
28 vnumber="28"> הנביא אשר אתו חלום יספר חלום ואשר דברי אתו ידבר דברי אמת מה לתבן את הבר נאם יהוה
29 vnumber="29"> הלוא כה דברי כאש נאם יהוה וכפטיש יפצץ סלע {ס}
art="x-p"/>
30 vnumber="30"> לכן הנני על הנבאים נאם יהוה מגנבי דברי איש מאת רעהו
31 vnumber="31"> הנני על הנביאם נאם יהוה הלקחים לשונם וינאמו נאם
32 vnumber="32"> הנני על נבאי חלמות שקר נאם יהוה ויספרום ויתעו את עמי בשקריהם ובפחזותם ואנכי לא שלחתים ולא צויתים והועיל לא יועילו לעם הזה--נאם יהוה
33 vnumber="33"> וכי ישאלך העם הזה או הנביא או כהן לאמר מה משא יהוה--ואמרת אליהם את מה משא ונטשתי אתכם נאם יהוה
34 vnumber="34"> והנביא והכהן והעם אשר יאמר משא יהוה--ופקדתי על האיש ההוא ועל ביתו
35 vnumber="35"> כה תאמרו איש על רעהו ואיש אל אחיו מה ענה יהוה ומה דבר יהוה
36 vnumber="36"> ומשא יהוה לא תזכרו עוד כי המשא יהיה לאיש דברו והפכתם את דברי אלהים חיים יהוה צבאות אלהינו
37 vnumber="37"> כה תאמר אל הנביא מה ענך יהוה ומה דבר יהוה
38 vnumber="38"> ואם משא יהוה תאמרו לכן כה אמר יהוה יען אמרכם את הדבר הזה משא יהוה--ואשלח אליכם לאמר לא תאמרו משא יהוה
39 vnumber="39"> לכן הנני ונשיתי אתכם נשא ונטשתי אתכם ואת העיר אשר נתתי לכם ולאבותיכם--מעל פני
40 vnumber="40"> ונתתי עליכם חרפת עולם וכלמות עולם אשר לא תשכח {פ}
art="x-p"/>