1 vnumber="1"> ויען איוב ויאמר br
2 vnumber="2"> אמנם כי אתם-עם ועמכם תמות חכמה br
3 vnumber="3"> גם-לי לבב כמוכם--לא-נפל אנכי מכם ואת-מי-אין כמו-אלה br
4 vnumber="4"> שחק לרעהו אהיה--קרא לאלוה ויענהו שחוק צדיק תמים br
5 vnumber="5"> לפיד בוז לעשתות שאנן-- נכון למועדי רגל br
6 vnumber="6"> ישליו אהלים לשדדים ובטחות למרגיזי אל-- לאשר הביא אלוה בידו br
7 vnumber="7"> ואולם--שאל-נא בהמות ותרך ועוף השמים ויגד-לך br
8 vnumber="8"> או שיח לארץ ותרך ויספרו לך דגי הים br
9 vnumber="9"> מי לא-ידע בכל-אלה כי יד-יהוה עשתה זאת br
10 vnumber="10"> אשר בידו נפש כל-חי ורוח כל-בשר-איש br
11 vnumber="11"> הלא-אזן מלין תבחן וחך אכל יטעם-לו br
12 vnumber="12"> בישישים חכמה וארך ימים תבונה br
13 vnumber="13"> עמו חכמה וגבורה לו עצה ותבונה br
14 vnumber="14"> הן יהרוס ולא יבנה יסגר על-איש ולא יפתח br
15 vnumber="15"> הן יעצר במים ויבשו וישלחם ויהפכו ארץ br
16 vnumber="16"> עמו עז ותושיה לו שגג ומשגה br
17 vnumber="17"> מוליך יועצים שולל ושפטים יהולל br
18 vnumber="18"> מוסר מלכים פתח ויאסר אזור במתניהם br
19 vnumber="19"> מוליך כהנים שולל ואתנים יסלף br
20 vnumber="20"> מסיר שפה לנאמנים וטעם זקנים יקח br
21 vnumber="21"> שופך בוז על-נדיבים ומזיח אפיקים רפה br
22 vnumber="22"> מגלה עמקות מני-חשך ויצא לאור צלמות br
23 vnumber="23"> משגיא לגוים ויאבדם שטח לגוים וינחם br
24 vnumber="24"> מסיר--לב ראשי עם-הארץ ויתעם בתהו לא-דרך br
25 vnumber="25"> ימששו-חשך ולא-אור ויתעם כשכור
art="x-p"/>