1 vnumber="1"> ויסיפו בני ישראל לעשות הרע בעיני יהוה ויתנם יהוה ביד פלשתים ארבעים שנה {פ}
art="x-p"/>
2 vnumber="2"> ויהי איש אחד מצרעה ממשפחת הדני ושמו מנוח ואשתו עקרה ולא ילדה
3 vnumber="3"> וירא מלאך יהוה אל האשה ויאמר אליה הנה נא את עקרה ולא ילדת והרית וילדת בן
4 vnumber="4"> ועתה השמרי נא ואל תשתי יין ושכר ואל תאכלי כל טמא
5 vnumber="5"> כי הנך הרה וילדת בן ומורה לא יעלה על ראשו--כי נזיר אלהים יהיה הנער מן הבטן והוא יחל להושיע את ישראל--מיד פלשתים
6 vnumber="6"> ותבא האשה ותאמר לאישה לאמר איש האלהים בא אלי ומראהו כמראה מלאך האלהים נורא מאד ולא שאלתיהו אי מזה הוא ואת שמו לא הגיד לי
7 vnumber="7"> ויאמר לי הנך הרה וילדת בן ועתה אל תשתי יין ושכר ואל תאכלי כל טמאה--כי נזיר אלהים יהיה הנער מן הבטן עד יום מותו {פ}
art="x-p"/>
8 vnumber="8"> ויעתר מנוח אל יהוה ויאמר בי אדוני--איש האלהים אשר שלחת יבוא נא עוד אלינו ויורנו מה נעשה לנער היולד
9 vnumber="9"> וישמע האלהים בקול מנוח ויבא מלאך האלהים עוד אל האשה והיא יושבת בשדה ומנוח אישה אין עמה
10 vnumber="10"> ותמהר האשה ותרץ ותגד לאישה ותאמר אליו--הנה נראה אלי האיש אשר בא ביום אלי
11 vnumber="11"> ויקם וילך מנוח אחרי אשתו ויבא אל האיש ויאמר לו האתה האיש אשר דברת אל האשה ויאמר אני
12 vnumber="12"> ויאמר מנוח עתה יבא דבריך מה יהיה משפט הנער ומעשהו
13 vnumber="13"> ויאמר מלאך יהוה אל מנוח מכל אשר אמרתי אל האשה תשמר
14 vnumber="14"> מכל אשר יצא מגפן היין לא תאכל ויין ושכר אל תשת וכל טמאה אל תאכל כל אשר צויתיה תשמר {ס}
art="x-p"/>
15 vnumber="15"> ויאמר מנוח אל מלאך יהוה נעצרה נא אותך ונעשה לפניך גדי עזים
16 vnumber="16"> ויאמר מלאך יהוה אל מנוח אם תעצרני לא אכל בלחמך ואם תעשה עלה ליהוה תעלנה כי לא ידע מנוח כי מלאך יהוה הוא
17 vnumber="17"> ויאמר מנוח אל מלאך יהוה מי שמך כי יבא דבריך (דברך) וכבדנוך
18 vnumber="18"> ויאמר לו מלאך יהוה למה זה תשאל לשמי--והוא פלאי {פ}
art="x-p"/>
19 vnumber="19"> ויקח מנוח את גדי העזים ואת המנחה ויעל על הצור ליהוה ומפלא לעשות ומנוח ואשתו ראים
20 vnumber="20"> ויהי בעלות הלהב מעל המזבח השמימה ויעל מלאך יהוה בלהב המזבח ומנוח ואשתו ראים ויפלו על פניהם ארצה
21 vnumber="21"> ולא יסף עוד מלאך יהוה להראה אל מנוח ואל אשתו אז ידע מנוח כי מלאך יהוה הוא
22 vnumber="22"> ויאמר מנוח אל אשתו מות נמות כי אלהים ראינו
23 vnumber="23"> ותאמר לו אשתו לו חפץ יהוה להמיתנו לא לקח מידנו עלה ומנחה ולא הראנו את כל אלה וכעת לא השמיענו כזאת
24 vnumber="24"> ותלד האשה בן ותקרא את שמו שמשון ויגדל הנער ויברכהו יהוה
25 vnumber="25"> ותחל רוח יהוה לפעמו במחנה דן בין צרעה ובין אשתאל {פ}
art="x-p"/>