1 vnumber="1"> ויהי ביום השמיני קרא משה לאהרן ולבניו--ולזקני ישראל
2 vnumber="2"> ויאמר אל אהרן קח לך עגל בן בקר לחטאת ואיל לעלה--תמימם והקרב לפני יהוה
3 vnumber="3"> ואל בני ישראל תדבר לאמר קחו שעיר עזים לחטאת ועגל וכבש בני שנה תמימם לעלה
4 vnumber="4"> ושור ואיל לשלמים לזבח לפני יהוה ומנחה בלולה בשמן כי היום יהוה נראה אליכם
5 vnumber="5"> ויקחו את אשר צוה משה אל פני אהל מועד ויקרבו כל העדה ויעמדו לפני יהוה
6 vnumber="6"> ויאמר משה זה הדבר אשר צוה יהוה תעשו--וירא אליכם כבוד יהוה
7 vnumber="7"> ויאמר משה אל אהרן קרב אל המזבח ועשה את חטאתך ואת עלתך וכפר בעדך ובעד העם ועשה את קרבן העם וכפר בעדם כאשר צוה יהוה
8 vnumber="8"> ויקרב אהרן אל המזבח וישחט את עגל החטאת אשר לו
9 vnumber="9"> ויקרבו בני אהרן את הדם אליו ויטבל אצבעו בדם ויתן על קרנות המזבח ואת הדם יצק אל יסוד המזבח
10 vnumber="10"> ואת החלב ואת הכלית ואת היתרת מן הכבד מן החטאת--הקטיר המזבחה כאשר צוה יהוה את משה
11 vnumber="11"> ואת הבשר ואת העור שרף באש מחוץ למחנה
12 vnumber="12"> וישחט את העלה וימצאו בני אהרן אליו את הדם ויזרקהו על המזבח סביב
13 vnumber="13"> ואת העלה המציאו אליו לנתחיה--ואת הראש ויקטר על המזבח
14 vnumber="14"> וירחץ את הקרב ואת הכרעים ויקטר על העלה המזבחה
15 vnumber="15"> ויקרב את קרבן העם ויקח את שעיר החטאת אשר לעם וישחטהו ויחטאהו כראשון
16 vnumber="16"> ויקרב את העלה ויעשה כמשפט
17 vnumber="17"> ויקרב את המנחה וימלא כפו ממנה ויקטר על המזבח--מלבד עלת הבקר
18 vnumber="18"> וישחט את השור ואת האיל זבח השלמים אשר לעם וימצאו בני אהרן את הדם אליו ויזרקהו על המזבח סביב
19 vnumber="19"> ואת החלבים מן השור ומן האיל--האליה והמכסה והכלית ויתרת הכבד
20 vnumber="20"> וישימו את החלבים על החזות ויקטר החלבים המזבחה
21 vnumber="21"> ואת החזות ואת שוק הימין הניף אהרן תנופה לפני יהוה--כאשר צוה משה
22 vnumber="22"> וישא אהרן את ידו אל העם ויברכם וירד מעשת החטאת והעלה--והשלמים
23 vnumber="23"> ויבא משה ואהרן אל אהל מועד ויצאו ויברכו את העם וירא כבוד יהוה אל כל העם
24 vnumber="24"> ותצא אש מלפני יהוה ותאכל על המזבח את העלה ואת החלבים וירא כל העם וירנו ויפלו על פניהם
art="x-p"/>