1 vnumber="1"> ויקח קרח בן יצהר בן קהת בן לוי ודתן ואבירם בני אליאב ואון בן פלת--בני ראובן
2 vnumber="2"> ויקמו לפני משה ואנשים מבני ישראל חמשים ומאתים נשיאי עדה קראי מועד אנשי שם
3 vnumber="3"> ויקהלו על משה ועל אהרן ויאמרו אלהם רב לכם--כי כל העדה כלם קדשים ובתוכם יהוה ומדוע תתנשאו על קהל יהוה
4 vnumber="4"> וישמע משה ויפל על פניו
5 vnumber="5"> וידבר אל קרח ואל כל עדתו לאמר בקר וידע יהוה את אשר לו ואת הקדוש והקריב אליו ואת אשר יבחר בו יקריב אליו
6 vnumber="6"> זאת עשו קחו לכם מחתות קרח וכל עדתו
7 vnumber="7"> ותנו בהן אש ושימו עליהן קטרת לפני יהוה מחר והיה האיש אשר יבחר יהוה הוא הקדוש רב לכם בני לוי
8 vnumber="8"> ויאמר משה אל קרח שמעו נא בני לוי
9 vnumber="9"> המעט מכם כי הבדיל אלהי ישראל אתכם מעדת ישראל להקריב אתכם אליו--לעבד את עבדת משכן יהוה ולעמד לפני העדה לשרתם
10 vnumber="10"> ויקרב אתך ואת כל אחיך בני לוי אתך ובקשתם גם כהנה
11 vnumber="11"> לכן אתה וכל עדתך--הנעדים על יהוה ואהרן מה הוא כי תלונו (תלינו) עליו
12 vnumber="12"> וישלח משה לקרא לדתן ולאבירם בני אליאב ויאמרו לא נעלה
13 vnumber="13"> המעט כי העליתנו מארץ זבת חלב ודבש להמיתנו במדבר כי תשתרר עלינו גם השתרר
14 vnumber="14"> אף לא אל ארץ זבת חלב ודבש הביאתנו ותתן לנו נחלת שדה וכרם העיני האנשים ההם תנקר--לא נעלה
15 vnumber="15"> ויחר למשה מאד ויאמר אל יהוה אל תפן אל מנחתם לא חמור אחד מהם נשאתי ולא הרעתי את אחד מהם
16 vnumber="16"> ויאמר משה אל קרח אתה וכל עדתך היו לפני יהוה אתה והם ואהרן מחר
17 vnumber="17"> וקחו איש מחתתו ונתתם עליהם קטרת והקרבתם לפני יהוה איש מחתתו חמשים ומאתים מחתת ואתה ואהרן איש מחתתו
18 vnumber="18"> ויקחו איש מחתתו ויתנו עליהם אש וישימו עליהם קטרת ויעמדו פתח אהל מועד--ומשה ואהרן
19 vnumber="19"> ויקהל עליהם קרח את כל העדה אל פתח אהל מועד וירא כבוד יהוה אל כל העדה {ס}
art="x-p"/>
20 vnumber="20"> וידבר יהוה אל משה ואל אהרן לאמר
21 vnumber="21"> הבדלו מתוך העדה הזאת ואכלה אתם כרגע
22 vnumber="22"> ויפלו על פניהם ויאמרו אל אלהי הרוחת לכל בשר האיש אחד יחטא ועל כל העדה תקצף {ס}
art="x-p"/>
23 vnumber="23"> וידבר יהוה אל משה לאמר
24 vnumber="24"> דבר אל העדה לאמר העלו מסביב למשכן קרח דתן ואבירם
25 vnumber="25"> ויקם משה וילך אל דתן ואבירם וילכו אחריו זקני ישראל
26 vnumber="26"> וידבר אל העדה לאמר סורו נא מעל אהלי האנשים הרשעים האלה ואל תגעו בכל אשר להם פן תספו בכל חטאתם
27 vnumber="27"> ויעלו מעל משכן קרח דתן ואבירם--מסביב ודתן ואבירם יצאו נצבים פתח אהליהם ונשיהם ובניהם וטפם
28 vnumber="28"> ויאמר משה בזאת תדעון כי יהוה שלחני לעשות את כל המעשים האלה כי לא מלבי
29 vnumber="29"> אם כמות כל האדם ימתון אלה ופקדת כל האדם יפקד עליהם--לא יהוה שלחני
30 vnumber="30"> ואם בריאה יברא יהוה ופצתה האדמה את פיה ובלעה אתם ואת כל אשר להם וירדו חיים שאלה--וידעתם כי נאצו האנשים האלה את יהוה
31 vnumber="31"> ויהי ככלתו לדבר את כל הדברים האלה ותבקע האדמה אשר תחתיהם
32 vnumber="32"> ותפתח הארץ את פיה ותבלע אתם ואת בתיהם ואת כל האדם אשר לקרח ואת כל הרכוש
33 vnumber="33"> וירדו הם וכל אשר להם חיים--שאלה ותכס עליהם הארץ ויאבדו מתוך הקהל
34 vnumber="34"> וכל ישראל אשר סביבתיהם--נסו לקלם כי אמרו פן תבלענו הארץ
35 vnumber="35"> ואש יצאה מאת יהוה ותאכל את החמשים ומאתים איש מקריבי הקטרת {ס}
art="x-p"/>