1 vnumber="1"> וידבר יהוה אל משה ואל אהרן לאמר
2 vnumber="2"> זאת חקת התורה אשר צוה יהוה לאמר דבר אל בני ישראל ויקחו אליך פרה אדמה תמימה אשר אין בה מום אשר לא עלה עליה על
3 vnumber="3"> ונתתם אתה אל אלעזר הכהן והוציא אתה אל מחוץ למחנה ושחט אתה לפניו
4 vnumber="4"> ולקח אלעזר הכהן מדמה--באצבעו והזה אל נכח פני אהל מועד מדמה--שבע פעמים
5 vnumber="5"> ושרף את הפרה לעיניו את ערה ואת בשרה ואת דמה על פרשה ישרף
6 vnumber="6"> ולקח הכהן עץ ארז ואזוב--ושני תולעת והשליך אל תוך שרפת הפרה
7 vnumber="7"> וכבס בגדיו הכהן ורחץ בשרו במים ואחר יבא אל המחנה וטמא הכהן עד הערב
8 vnumber="8"> והשרף אתה--יכבס בגדיו במים ורחץ בשרו במים וטמא עד הערב
9 vnumber="9"> ואסף איש טהור את אפר הפרה והניח מחוץ למחנה במקום טהור והיתה לעדת בני ישראל למשמרת למי נדה--חטאת הוא
10 vnumber="10"> וכבס האסף את אפר הפרה את בגדיו וטמא עד הערב והיתה לבני ישראל ולגר הגר בתוכם--לחקת עולם
11 vnumber="11"> הנגע במת לכל נפש אדם--וטמא שבעת ימים
12 vnumber="12"> הוא יתחטא בו ביום השלישי וביום השביעי--יטהר ואם לא יתחטא ביום השלישי וביום השביעי--לא יטהר
13 vnumber="13"> כל הנגע במת בנפש האדם אשר ימות ולא יתחטא את משכן יהוה טמא--ונכרתה הנפש ההוא מישראל כי מי נדה לא זרק עליו טמא יהיה--עוד טמאתו בו
14 vnumber="14"> זאת התורה אדם כי ימות באהל כל הבא אל האהל וכל אשר באהל יטמא שבעת ימים
15 vnumber="15"> וכל כלי פתוח אשר אין צמיד פתיל עליו--טמא הוא
16 vnumber="16"> וכל אשר יגע על פני השדה בחלל חרב או במת או בעצם אדם או בקבר--יטמא שבעת ימים
17 vnumber="17"> ולקחו לטמא מעפר שרפת החטאת ונתן עליו מים חיים אל כלי
18 vnumber="18"> ולקח אזוב וטבל במים איש טהור והזה על האהל ועל כל הכלים ועל הנפשות אשר היו שם ועל הנגע בעצם או בחלל או במת או בקבר
19 vnumber="19"> והזה הטהר על הטמא ביום השלישי וביום השביעי וחטאו ביום השביעי וכבס בגדיו ורחץ במים וטהר בערב
20 vnumber="20"> ואיש אשר יטמא ולא יתחטא ונכרתה הנפש ההוא מתוך הקהל כי את מקדש יהוה טמא מי נדה לא זרק עליו--טמא הוא
21 vnumber="21"> והיתה להם לחקת עולם ומזה מי הנדה יכבס בגדיו והנגע במי הנדה יטמא עד הערב
22 vnumber="22"> וכל אשר יגע בו הטמא יטמא והנפש הנגעת תטמא עד הערב {פ}
art="x-p"/>