1 vnumber="1"> וידבר יהוה אל משה ואל אהרן לאמר
2 vnumber="2"> איש על דגלו באתת לבית אבתם יחנו בני ישראל מנגד סביב לאהל מועד יחנו
3 vnumber="3"> והחנים קדמה מזרחה דגל מחנה יהודה לצבאתם ונשיא לבני יהודה נחשון בן עמינדב
4 vnumber="4"> וצבאו ופקדיהם--ארבעה ושבעים אלף ושש מאות
5 vnumber="5"> והחנים עליו מטה יששכר ונשיא לבני יששכר נתנאל בן צוער
6 vnumber="6"> וצבאו ופקדיו--ארבעה וחמשים אלף וארבע מאות
7 vnumber="7"> מטה זבולן ונשיא לבני זבולן אליאב בן חלן
8 vnumber="8"> וצבאו ופקדיו--שבעה וחמשים אלף וארבע מאות
9 vnumber="9"> כל הפקדים למחנה יהודה מאת אלף ושמנים אלף וששת אלפים וארבע מאות--לצבאתם ראשנה יסעו {ס}
art="x-p"/>
10 vnumber="10"> דגל מחנה ראובן תימנה לצבאתם ונשיא לבני ראובן אליצור בן שדיאור
11 vnumber="11"> וצבאו ופקדיו--ששה וארבעים אלף וחמש מאות
12 vnumber="12"> והחונם עליו מטה שמעון ונשיא לבני שמעון שלמיאל בן צורישדי
13 vnumber="13"> וצבאו ופקדיהם--תשעה וחמשים אלף ושלש מאות
14 vnumber="14"> ומטה גד ונשיא לבני גד אליסף בן רעואל
15 vnumber="15"> וצבאו ופקדיהם--חמשה וארבעים אלף ושש מאות וחמשים
16 vnumber="16"> כל הפקדים למחנה ראובן מאת אלף ואחד וחמשים אלף וארבע מאות וחמשים--לצבאתם ושנים יסעו {ס}
art="x-p"/>
17 vnumber="17"> ונסע אהל מועד מחנה הלוים בתוך המחנת כאשר יחנו כן יסעו איש על ידו לדגליהם {ס}
art="x-p"/>
18 vnumber="18"> דגל מחנה אפרים לצבאתם ימה ונשיא לבני אפרים אלישמע בן עמיהוד
19 vnumber="19"> וצבאו ופקדיהם--ארבעים אלף וחמש מאות
20 vnumber="20"> ועליו מטה מנשה ונשיא לבני מנשה גמליאל בן פדהצור
21 vnumber="21"> וצבאו ופקדיהם--שנים ושלשים אלף ומאתים
22 vnumber="22"> ומטה בנימן ונשיא לבני בנימן אבידן בן גדעני
23 vnumber="23"> וצבאו ופקדיהם--חמשה ושלשים אלף וארבע מאות
24 vnumber="24"> כל הפקדים למחנה אפרים מאת אלף ושמנת אלפים ומאה--לצבאתם ושלשים יסעו {ס}
art="x-p"/>
25 vnumber="25"> דגל מחנה דן צפנה לצבאתם ונשיא לבני דן אחיעזר בן עמישדי
26 vnumber="26"> וצבאו ופקדיהם--שנים וששים אלף ושבע מאות
27 vnumber="27"> והחנים עליו מטה אשר ונשיא לבני אשר פגעיאל בן עכרן
28 vnumber="28"> וצבאו ופקדיהם--אחד וארבעים אלף וחמש מאות
29 vnumber="29"> ומטה נפתלי ונשיא לבני נפתלי אחירע בן עינן
30 vnumber="30"> וצבאו ופקדיהם--שלשה וחמשים אלף וארבע מאות
31 vnumber="31"> כל הפקדים למחנה דן--מאת אלף ושבעה וחמשים אלף ושש מאות לאחרנה יסעו לדגליהם {פ}
art="x-p"/>
32 vnumber="32"> אלה פקודי בני ישראל לבית אבתם כל פקודי המחנת לצבאתם--שש מאות אלף ושלשת אלפים וחמש מאות וחמשים
33 vnumber="33"> והלוים--לא התפקדו בתוך בני ישראל כאשר צוה יהוה את משה
34 vnumber="34"> ויעשו בני ישראל ככל אשר צוה יהוה את משה כן חנו לדגליהם וכן נסעו--איש למשפחתיו על בית אבתיו {פ}
art="x-p"/>