1 vnumber="1"> ומקנה רב היה לבני ראובן ולבני גד--עצום מאד ויראו את ארץ יעזר ואת ארץ גלעד והנה המקום מקום מקנה
2 vnumber="2"> ויבאו בני גד ובני ראובן ויאמרו אל משה ואל אלעזר הכהן ואל נשיאי העדה לאמר
3 vnumber="3"> עטרות ודיבן ויעזר ונמרה וחשבון ואלעלה ושבם ונבו ובען
4 vnumber="4"> הארץ אשר הכה יהוה לפני עדת ישראל--ארץ מקנה הוא ולעבדיך מקנה {ס}
art="x-p"/>
5 vnumber="5"> ויאמרו אם מצאנו חן בעיניך--יתן את הארץ הזאת לעבדיך לאחזה אל תעברנו את הירדן
6 vnumber="6"> ויאמר משה לבני גד ולבני ראובן האחיכם יבאו למלחמה ואתם תשבו פה
7 vnumber="7"> ולמה תנואון (תניאון) את לב בני ישראל--מעבר אל הארץ אשר נתן להם יהוה
8 vnumber="8"> כה עשו אבתיכם בשלחי אתם מקדש ברנע לראות את הארץ
9 vnumber="9"> ויעלו עד נחל אשכול ויראו את הארץ ויניאו את לב בני ישראל--לבלתי בא אל הארץ אשר נתן להם יהוה
10 vnumber="10"> ויחר אף יהוה ביום ההוא וישבע לאמר
11 vnumber="11"> אם יראו האנשים העלים ממצרים מבן עשרים שנה ומעלה את האדמה אשר נשבעתי לאברהם ליצחק וליעקב כי לא מלאו אחרי
12 vnumber="12"> בלתי כלב בן יפנה הקנזי ויהושע בן נון כי מלאו אחרי יהוה
13 vnumber="13"> ויחר אף יהוה בישראל וינעם במדבר ארבעים שנה--עד תם כל הדור העשה הרע בעיני יהוה
14 vnumber="14"> והנה קמתם תחת אבתיכם--תרבות אנשים חטאים לספות עוד על חרון אף יהוה--אל ישראל
15 vnumber="15"> כי תשובן מאחריו ויסף עוד להניחו במדבר ושחתם לכל העם הזה {ס}
art="x-p"/>
16 vnumber="16"> ויגשו אליו ויאמרו גדרת צאן נבנה למקננו פה וערים לטפנו
17 vnumber="17"> ואנחנו נחלץ חשים לפני בני ישראל עד אשר אם הביאנם אל מקומם וישב טפנו בערי המבצר מפני ישבי הארץ
18 vnumber="18"> לא נשוב אל בתינו--עד התנחל בני ישראל איש נחלתו
19 vnumber="19"> כי לא ננחל אתם מעבר לירדן והלאה כי באה נחלתנו אלינו מעבר הירדן מזרחה {פ}
art="x-p"/>
20 vnumber="20"> ויאמר אליהם משה אם תעשון את הדבר הזה אם תחלצו לפני יהוה למלחמה
21 vnumber="21"> ועבר לכם כל חלוץ את הירדן לפני יהוה עד הורישו את איביו מפניו
22 vnumber="22"> ונכבשה הארץ לפני יהוה ואחר תשבו--והייתם נקים מיהוה ומישראל והיתה הארץ הזאת לכם לאחזה--לפני יהוה
23 vnumber="23"> ואם לא תעשון כן הנה חטאתם ליהוה ודעו חטאתכם אשר תמצא אתכם
24 vnumber="24"> בנו לכם ערים לטפכם וגדרת לצנאכם והיצא מפיכם תעשו
25 vnumber="25"> ויאמר בני גד ובני ראובן אל משה לאמר עבדיך יעשו כאשר אדני מצוה
26 vnumber="26"> טפנו נשינו מקננו וכל בהמתנו--יהיו שם בערי הגלעד
27 vnumber="27"> ועבדיך יעברו כל חלוץ צבא לפני יהוה--למלחמה כאשר אדני דבר
28 vnumber="28"> ויצו להם משה את אלעזר הכהן ואת יהושע בן נון ואת ראשי אבות המטות לבני ישראל
29 vnumber="29"> ויאמר משה אלהם אם יעברו בני גד ובני ראובן אתכם את הירדן כל חלוץ למלחמה לפני יהוה ונכבשה הארץ לפניכם--ונתתם להם את ארץ הגלעד לאחזה
30 vnumber="30"> ואם לא יעברו חלוצים אתכם--ונאחזו בתככם בארץ כנען
31 vnumber="31"> ויענו בני גד ובני ראובן לאמר את אשר דבר יהוה אל עבדיך כן נעשה
32 vnumber="32"> נחנו נעבר חלוצים לפני יהוה ארץ כנען ואתנו אחזת נחלתנו מעבר לירדן
33 vnumber="33"> ויתן להם משה לבני גד ולבני ראובן ולחצי שבט מנשה בן יוסף את ממלכת סיחן מלך האמרי ואת ממלכת עוג מלך הבשן הארץ לעריה בגבלת--ערי הארץ סביב
34 vnumber="34"> ויבנו בני גד את דיבן ואת עטרת ואת ערער
35 vnumber="35"> ואת עטרת שופן ואת יעזר ויגבהה
36 vnumber="36"> ואת בית נמרה ואת בית הרן ערי מבצר וגדרת צאן
37 vnumber="37"> ובני ראובן בנו את חשבון ואת אלעלא ואת קריתים
38 vnumber="38"> ואת נבו ואת בעל מעון מוסבת שם--ואת שבמה ויקראו בשמת את שמות הערים אשר בנו
39 vnumber="39"> וילכו בני מכיר בן מנשה גלעדה--וילכדה ויורש את האמרי אשר בה
40 vnumber="40"> ויתן משה את הגלעד למכיר בן מנשה וישב בה
41 vnumber="41"> ויאיר בן מנשה הלך וילכד את חותיהם ויקרא אתהן חות יאיר
42 vnumber="42"> ונבח הלך וילכד את קנת ואת בנתיה ויקרא לה נבח בשמו {פ}
art="x-p"/>