1 vnumber="1"> css="font-weight:bold"> א וידבר יהוה אל משה לאמר
2 vnumber="2"> css="font-weight:bold"> ב צו את בני ישראל וישלחו מן המחנה כל צרוע וכל זב וכל טמא לנפש
3 vnumber="3"> css="font-weight:bold"> ג מזכר עד נקבה תשלחו אל מחוץ למחנה תשלחום ולא יטמאו את מחניהם אשר אני שכן בתוכם
4 vnumber="4"> css="font-weight:bold"> ד ויעשו כן בני ישראל וישלחו אותם אל מחוץ למחנה כאשר דבר יהוה אל משה כן עשו בני ישראל {פ} art="x-p"/>
5 vnumber="5"> css="font-weight:bold"> ה וידבר יהוה אל משה לאמר
6 vnumber="6"> css="font-weight:bold"> ו דבר אל בני ישראל איש או אשה כי יעשו מכל חטאת האדם למעל מעל ביהוה ואשמה הנפש ההוא
7 vnumber="7"> css="font-weight:bold"> ז והתודו את חטאתם אשר עשו והשיב את אשמו בראשו וחמישתו יסף עליו ונתן לאשר אשם לו
8 vnumber="8"> css="font-weight:bold"> ח ואם אין לאיש גאל להשיב האשם אליו--האשם המושב ליהוה לכהן מלבד איל הכפרים אשר יכפר בו עליו
9 vnumber="9"> css="font-weight:bold"> ט וכל תרומה לכל קדשי בני ישראל אשר יקריבו לכהן--לו יהיה
10 vnumber="10"> css="font-weight:bold"> י ואיש את קדשיו לו יהיו איש אשר יתן לכהן לו יהיה {פ} art="x-p"/>
11 vnumber="11"> css="font-weight:bold"> יא וידבר יהוה אל משה לאמר
12 vnumber="12"> css="font-weight:bold"> יב דבר אל בני ישראל ואמרת אלהם איש איש כי תשטה אשתו ומעלה בו מעל
13 vnumber="13"> css="font-weight:bold"> יג ושכב איש אתה שכבת זרע ונעלם מעיני אישה ונסתרה והיא נטמאה ועד אין בה והוא לא נתפשה
14 vnumber="14"> css="font-weight:bold"> יד ועבר עליו רוח קנאה וקנא את אשתו והוא נטמאה או עבר עליו רוח קנאה וקנא את אשתו והיא לא נטמאה
15 vnumber="15"> css="font-weight:bold"> טו והביא האיש את אשתו אל הכהן והביא את קרבנה עליה עשירת האיפה קמח שערים לא יצק עליו שמן ולא יתן עליו לבנה--כי מנחת קנאת הוא מנחת זכרון מזכרת עון
16 vnumber="16"> css="font-weight:bold"> טז והקריב אתה הכהן והעמדה לפני יהוה
17 vnumber="17"> css="font-weight:bold"> יז ולקח הכהן מים קדשים בכלי חרש ומן העפר אשר יהיה בקרקע המשכן יקח הכהן ונתן אל המים
18 vnumber="18"> css="font-weight:bold"> יח והעמיד הכהן את האשה לפני יהוה ופרע את ראש האשה ונתן על כפיה את מנחת הזכרון מנחת קנאת הוא וביד הכהן יהיו מי המרים המאררים
19 vnumber="19"> css="font-weight:bold"> יט והשביע אתה הכהן ואמר אל האשה אם לא שכב איש אתך ואם לא שטית טמאה תחת אישך--הנקי ממי המרים המאררים האלה
20 vnumber="20"> css="font-weight:bold"> כ ואת כי שטית תחת אישך--וכי נטמאת ויתן איש בך את שכבתו מבלעדי אישך
21 vnumber="21"> css="font-weight:bold"> כא והשביע הכהן את האשה בשבעת האלה ואמר הכהן לאשה יתן יהוה אותך לאלה ולשבעה בתוך עמך--בתת יהוה את ירכך נפלת ואת בטנך צבה
22 vnumber="22"> css="font-weight:bold"> כב ובאו המים המאררים האלה במעיך לצבות בטן ולנפל ירך ואמרה האשה אמן אמן
23 vnumber="23"> css="font-weight:bold"> כג וכתב את האלת האלה הכהן--בספר ומחה אל מי המרים
24 vnumber="24"> css="font-weight:bold"> כד והשקה את האשה את מי המרים המאררים ובאו בה המים המאררים למרים
25 vnumber="25"> css="font-weight:bold"> כה ולקח הכהן מיד האשה את מנחת הקנאת והניף את המנחה לפני יהוה והקריב אתה אל המזבח
26 vnumber="26"> css="font-weight:bold"> כו וקמץ הכהן מן המנחה את אזכרתה והקטיר המזבחה ואחר ישקה את האשה את המים
27 vnumber="27"> css="font-weight:bold"> כז והשקה את המים והיתה אם נטמאה ותמעל מעל באישה--ובאו בה המים המאררים למרים וצבתה בטנה ונפלה ירכה והיתה האשה לאלה בקרב עמה
28 vnumber="28"> css="font-weight:bold"> כח ואם לא נטמאה האשה וטהרה הוא--ונקתה ונזרעה זרע
29 vnumber="29"> css="font-weight:bold"> כט זאת תורת הקנאת אשר תשטה אשה תחת אישה ונטמאה
30 vnumber="30"> css="font-weight:bold"> ל או איש אשר תעבר עליו רוח קנאה--וקנא את אשתו והעמיד את האשה לפני יהוה ועשה לה הכהן את כל התורה הזאת
31 vnumber="31"> css="font-weight:bold"> לא ונקה האיש מעון והאשה ההוא תשא את עונה {פ} art="x-p"/>