1 vnumber="1"> מענה-רך ישיב חמה ודבר-עצב יעלה-אף br
2 vnumber="2"> לשון חכמים תיטיב דעת ופי כסילים יביע אולת br
3 vnumber="3"> בכל-מקום עיני יהוה צפות רעים וטובים br
4 vnumber="4"> מרפא לשון עץ חיים וסלף בה שבר ברוח br
5 vnumber="5"> אויל--ינאץ מוסר אביו ושמר תוכחת יערים br
6 vnumber="6"> בית צדיק חסן רב ובתבואת רשע נעכרת br
7 vnumber="7"> שפתי חכמים יזרו דעת ולב כסילים לא-כן br
8 vnumber="8"> זבח רשעים תועבת יהוה ותפלת ישרים רצונו br
9 vnumber="9"> תועבת יהוה דרך רשע ומרדף צדקה יאהב br
10 vnumber="10"> מוסר רע לעזב ארח שונא תוכחת ימות br
11 vnumber="11"> שאול ואבדון נגד יהוה אף כי-לבות בני-אדם br
12 vnumber="12"> לא יאהב-לץ הוכח לו אל-חכמים לא ילך br
13 vnumber="13"> לב שמח ייטב פנים ובעצבת-לב רוח נכאה br
14 vnumber="14"> לב נבון יבקש-דעת ופני (ופי) כסילים ירעה אולת br
15 vnumber="15"> כל-ימי עני רעים וטוב-לב משתה תמיד br
16 vnumber="16"> טוב-מעט ביראת יהוה-- מאוצר רב ומהומה בו br
17 vnumber="17"> טוב ארחת ירק ואהבה-שם-- משור אבוס ושנאה-בו br
18 vnumber="18"> איש חמה יגרה מדון וארך אפים ישקיט ריב br
19 vnumber="19"> דרך עצל כמשכת חדק וארח ישרים סללה br
20 vnumber="20"> בן חכם ישמח-אב וכסיל אדם בוזה אמו br
21 vnumber="21"> אולת שמחה לחסר-לב ואיש תבונה יישר-לכת br
22 vnumber="22"> הפר מחשבות באין סוד וברב יועצים תקום br
23 vnumber="23"> שמחה לאיש במענה-פיו ודבר בעתו מה-טוב br
24 vnumber="24"> ארח חיים למעלה למשכיל-- למען סור משאול מטה br
25 vnumber="25"> בית גאים יסח יהוה ויצב גבול אלמנה br
26 vnumber="26"> תועבת יהוה מחשבות רע וטהרים אמרי-נעם br
27 vnumber="27"> עכר ביתו בוצע בצע ושונא מתנת יחיה br
28 vnumber="28"> לב צדיק יהגה לענות ופי רשעים יביע רעות br
29 vnumber="29"> רחוק יהוה מרשעים ותפלת צדיקים ישמע br
30 vnumber="30"> מאור-עינים ישמח-לב שמועה טובה תדשן-עצם br
31 vnumber="31"> אזן--שמעת תוכחת חיים בקרב חכמים תלין br
32 vnumber="32"> פורע מוסר מואס נפשו ושומע תוכחת קונה לב br
33 vnumber="33"> יראת יהוה מוסר חכמה ולפני כבוד ענוה
art="x-p"/>