1 vnumber="1"> לאדם מערכי-לב ומיהוה מענה לשון br
2 vnumber="2"> כל-דרכי-איש זך בעיניו ותכן רוחות יהוה br
3 vnumber="3"> גל אל-יהוה מעשיך ויכנו מחשבתיך br
4 vnumber="4"> כל פעל יהוה למענהו וגם-רשע ליום רעה br
5 vnumber="5"> תועבת יהוה כל-גבה-לב יד ליד לא ינקה br
6 vnumber="6"> בחסד ואמת יכפר עון וביראת יהוה סור מרע br
7 vnumber="7"> ברצות יהוה דרכי-איש גם-אויביו ישלם אתו br
8 vnumber="8"> טוב-מעט בצדקה-- מרב תבואות בלא משפט br
9 vnumber="9"> לב אדם יחשב דרכו ויהוה יכין צעדו br
10 vnumber="10"> קסם על-שפתי-מלך במשפט לא ימעל-פיו br
11 vnumber="11"> פלס ומאזני משפט--ליהוה מעשהו כל-אבני-כיס br
12 vnumber="12"> תועבת מלכים עשות רשע כי בצדקה יכון כסא br
13 vnumber="13"> רצון מלכים שפתי-צדק ודבר ישרים יאהב br
14 vnumber="14"> חמת-מלך מלאכי-מות ואיש חכם יכפרנה br
15 vnumber="15"> באור-פני-מלך חיים ורצונו כעב מלקוש br
16 vnumber="16"> קנה-חכמה--מה-טוב מחרוץ וקנות בינה נבחר מכסף br
17 vnumber="17"> מסלת ישרים סור מרע שמר נפשו נצר דרכו br
18 vnumber="18"> לפני-שבר גאון ולפני כשלון גבה רוח br
19 vnumber="19"> טוב שפל-רוח את-עניים (ענוים) מחלק שלל את-גאים br
20 vnumber="20"> משכיל על-דבר ימצא-טוב ובוטח ביהוה אשריו br
21 vnumber="21"> לחכם-לב יקרא נבון ומתק שפתים יסיף לקח br
22 vnumber="22"> מקור חיים שכל בעליו ומוסר אולים אולת br
23 vnumber="23"> לב חכם ישכיל פיהו ועל-שפתיו יסיף לקח br
24 vnumber="24"> צוף-דבש אמרי-נעם מתוק לנפש ומרפא לעצם br
25 vnumber="25"> יש דרך ישר לפני-איש ואחריתה דרכי-מות br
26 vnumber="26"> נפש עמל עמלה לו כי-אכף עליו פיהו br
27 vnumber="27"> איש בליעל כרה רעה ועל-שפתיו (שפתו) כאש צרבת br
28 vnumber="28"> איש תהפכות ישלח מדון ונרג מפריד אלוף br
29 vnumber="29"> איש חמס יפתה רעהו והוליכו בדרך לא-טוב br
30 vnumber="30"> עצה עיניו לחשב תהפכות קרץ שפתיו כלה רעה br
31 vnumber="31"> עטרת תפארת שיבה בדרך צדקה תמצא br
32 vnumber="32"> טוב ארך אפים מגבור ומשל ברוחו מלכד עיר br
33 vnumber="33"> בחיק יוטל את-הגורל ומיהוה כל-משפטו
art="x-p"/>