1 vnumber="1"> הודו ליהוה קראו בשמו הודיעו בעמים עלילותיו br
2 vnumber="2"> שירו-לו זמרו-לו שיחו בכל-נפלאותיו br
3 vnumber="3"> התהללו בשם קדשו ישמח לב מבקשי יהוה br
4 vnumber="4"> דרשו יהוה ועזו בקשו פניו תמיד br
5 vnumber="5"> זכרו--נפלאותיו אשר-עשה מפתיו ומשפטי-פיו br
6 vnumber="6"> זרע אברהם עבדו בני יעקב בחיריו br
7 vnumber="7"> הוא יהוה אלהינו בכל-הארץ משפטיו br
8 vnumber="8"> זכר לעולם בריתו דבר צוה לאלף דור br
9 vnumber="9"> אשר כרת את-אברהם ושבועתו לישחק br
10 vnumber="10"> ויעמידה ליעקב לחק לישראל ברית עולם br
11 vnumber="11"> לאמר--לך אתן את-ארץ-כנען חבל נחלתכם br
12 vnumber="12"> בהיותם מתי מספר כמעט וגרים בה br
13 vnumber="13"> ויתהלכו מגוי אל-גוי מממלכה אל-עם אחר br
14 vnumber="14"> לא-הניח אדם לעשקם ויוכח עליהם מלכים br
15 vnumber="15"> אל-תגעו במשיחי ולנביאי אל-תרעו br
16 vnumber="16"> ויקרא רעב על-הארץ כל-מטה-לחם שבר br
17 vnumber="17"> שלח לפניהם איש לעבד נמכר יוסף br
18 vnumber="18"> ענו בכבל רגליו (רגלו) ברזל באה נפשו br
19 vnumber="19"> עד-עת בא-דברו-- אמרת יהוה צרפתהו br
20 vnumber="20"> שלח מלך ויתירהו משל עמים ויפתחהו br
21 vnumber="21"> שמו אדון לביתו ומשל בכל-קנינו br
22 vnumber="22"> לאסר שריו בנפשו וזקניו יחכם br
23 vnumber="23"> ויבא ישראל מצרים ויעקב גר בארץ-חם br
24 vnumber="24"> ויפר את-עמו מאד ויעצמהו מצריו br
25 vnumber="25"> הפך לבם לשנא עמו להתנכל בעבדיו br
26 vnumber="26"> שלח משה עבדו אהרן אשר בחר-בו br
27 vnumber="27"> שמו-בם דברי אתותיו ומפתים בארץ חם br
28 vnumber="28"> שלח חשך ויחשך ולא-מרו את-דבריו (דברו) br
29 vnumber="29"> הפך את-מימיהם לדם וימת את-דגתם br
30 vnumber="30"> שרץ ארצם צפרדעים בחדרי מלכיהם br
31 vnumber="31"> אמר ויבא ערב כנים בכל-גבולם br
32 vnumber="32"> נתן גשמיהם ברד אש להבות בארצם br
33 vnumber="33"> ויך גפנם ותאנתם וישבר עץ גבולם br
34 vnumber="34"> אמר ויבא ארבה וילק ואין מספר br
35 vnumber="35"> ויאכל כל-עשב בארצם ויאכל פרי אדמתם br
36 vnumber="36"> ויך כל-בכור בארצם ראשית לכל-אונם br
37 vnumber="37"> ויוציאם בכסף וזהב ואין בשבטיו כושל br
38 vnumber="38"> שמח מצרים בצאתם כי-נפל פחדם עליהם br
39 vnumber="39"> פרש ענן למסך ואש להאיר לילה br
40 vnumber="40"> שאל ויבא שלו ולחם שמים ישביעם br
41 vnumber="41"> פתח צור ויזובו מים הלכו בציות נהר br
42 vnumber="42"> כי-זכר את-דבר קדשו את-אברהם עבדו br
43 vnumber="43"> ויוצא עמו בששון ברנה את-בחיריו br
44 vnumber="44"> ויתן להם ארצות גוים ועמל לאמים יירשו br
45 vnumber="45"> בעבור ישמרו חקיו-- ותורתיו ינצרו br הללו-יה
art="x-p"/>