1 vnumber="1"> למנצח לדוד מזמור br אלהי תהלתי אל-תחרש br
2 vnumber="2"> כי פי רשע ופי-מרמה--עלי פתחו דברו אתי לשון שקר br
3 vnumber="3"> ודברי שנאה סבבוני וילחמוני חנם br
4 vnumber="4"> תחת-אהבתי ישטנוני ואני תפלה br
5 vnumber="5"> וישימו עלי רעה תחת טובה ושנאה תחת אהבתי br
6 vnumber="6"> הפקד עליו רשע ושטן יעמד על-ימינו br
7 vnumber="7"> בהשפטו יצא רשע ותפלתו תהיה לחטאה br
8 vnumber="8"> יהיו-ימיו מעטים פקדתו יקח אחר br
9 vnumber="9"> יהיו-בניו יתומים ואשתו אלמנה br
10 vnumber="10"> ונוע ינועו בניו ושאלו ודרשו מחרבותיהם br
11 vnumber="11"> ינקש נושה לכל-אשר-לו ויבזו זרים יגיעו br
12 vnumber="12"> אל-יהי-לו משך חסד ואל-יהי חונן ליתומיו br
13 vnumber="13"> יהי-אחריתו להכרית בדור אחר ימח שמם br
14 vnumber="14"> יזכר עון אבתיו--אל-יהוה וחטאת אמו אל-תמח br
15 vnumber="15"> יהיו נגד-יהוה תמיד ויכרת מארץ זכרם br
16 vnumber="16"> יען-- אשר לא זכר עשות חסד br וירדף איש-עני ואביון--ונכאה לבב למותת br
17 vnumber="17"> ויאהב קללה ותבואהו ולא-חפץ בברכה ותרחק ממנו br
18 vnumber="18"> וילבש קללה כמדו ותבא כמים בקרבו וכשמן בעצמותיו br
19 vnumber="19"> תהי-לו כבגד יעטה ולמזח תמיד יחגרה br
20 vnumber="20"> זאת פעלת שטני מאת יהוה והדברים רע על-נפשי br
21 vnumber="21"> ואתה יהוה אדני-- עשה-אתי למען שמך br כי-טוב חסדך הצילני br
22 vnumber="22"> כי-עני ואביון אנכי ולבי חלל בקרבי br
23 vnumber="23"> כצל-כנטותו נהלכתי ננערתי כארבה br
24 vnumber="24"> ברכי כשלו מצום ובשרי כחש משמן br
25 vnumber="25"> ואני הייתי חרפה להם יראוני יניעון ראשם br
26 vnumber="26"> עזרני יהוה אלהי הושיעני כחסדך br
27 vnumber="27"> וידעו כי-ידך זאת אתה יהוה עשיתה br
28 vnumber="28"> יקללו-המה ואתה תברך קמו ויבשו--ועבדך ישמח br
29 vnumber="29"> ילבשו שוטני כלמה ויעטו כמעיל בשתם br
30 vnumber="30"> אודה יהוה מאד בפי ובתוך רבים אהללנו br
31 vnumber="31"> כי-יעמד לימין אביון-- להושיע משפטי נפשו
art="x-p"/>