1 vnumber="1"> למה רגשו גוים ולאמים יהגו-ריק br
2 vnumber="2"> יתיצבו מלכי-ארץ-- ורוזנים נוסדו-יחד br על-יהוה ועל-משיחו br
3 vnumber="3"> ננתקה את-מוסרותימו ונשליכה ממנו עבתימו br
4 vnumber="4"> יושב בשמים ישחק אדני ילעג-למו br
5 vnumber="5"> אז ידבר אלימו באפו ובחרונו יבהלמו br
6 vnumber="6"> ואני נסכתי מלכי על-ציון הר-קדשי br
7 vnumber="7"> אספרה אל-חק יהוה אמר אלי בני אתה--אני היום ילדתיך br
8 vnumber="8"> שאל ממני--ואתנה גוים נחלתך ואחזתך אפסי-ארץ br
9 vnumber="9"> תרעם בשבט ברזל ככלי יוצר תנפצם br
10 vnumber="10"> ועתה מלכים השכילו הוסרו שפטי ארץ br
11 vnumber="11"> עבדו את-יהוה ביראה וגילו ברעדה br
12 vnumber="12"> נשקו-בר פן-יאנף ותאבדו דרך-- כי-יבער כמעט אפו br אשרי כל-חוסי בו
art="x-p"/>