1 vnumber="1"> מזמור לדוד להזכיר br
2 vnumber="2"> יהוה--אל-בקצפך תוכיחני ובחמתך תיסרני br
3 vnumber="3"> כי-חציך נחתו בי ותנחת עלי ידך br
4 vnumber="4"> אין-מתם בבשרי מפני זעמך אין-שלום בעצמי מפני חטאתי br
5 vnumber="5"> כי עונתי עברו ראשי כמשא כבד יכבדו ממני br
6 vnumber="6"> הבאישו נמקו חבורתי מפני אולתי br
7 vnumber="7"> נעויתי שחתי עד-מאד כל-היום קדר הלכתי br
8 vnumber="8"> כי-כסלי מלאו נקלה ואין מתם בבשרי br
9 vnumber="9"> נפוגותי ונדכיתי עד-מאד שאגתי מנהמת לבי br
10 vnumber="10"> אדני נגדך כל-תאותי ואנחתי ממך לא-נסתרה br
11 vnumber="11"> לבי סחרחר עזבני כחי ואור-עיני גם-הם אין אתי br
12 vnumber="12"> אהבי ורעי--מנגד נגעי יעמדו וקרובי מרחק עמדו br
13 vnumber="13"> וינקשו מבקשי נפשי ודרשי רעתי דברו הוות ומרמות כל-היום יהגו br
14 vnumber="14"> ואני כחרש לא אשמע וכאלם לא יפתח-פיו br
15 vnumber="15"> ואהי--כאיש אשר לא-שמע ואין בפיו תוכחות br
16 vnumber="16"> כי-לך יהוה הוחלתי אתה תענה אדני אלהי br
17 vnumber="17"> כי-אמרתי פן-ישמחו-לי במוט רגלי עלי הגדילו br
18 vnumber="18"> כי-אני לצלע נכון ומכאובי נגדי תמיד br
19 vnumber="19"> כי-עוני אגיד אדאג מחטאתי br
20 vnumber="20"> ואיבי חיים עצמו ורבו שנאי שקר br
21 vnumber="21"> ומשלמי רעה תחת טובה-- ישטנוני תחת רדופי- (רדפי-) טוב br
22 vnumber="22"> אל-תעזבני יהוה אלהי אל-תרחק ממני br (Psalms 38:23) חושה לעזרתי אדני תשועתי
art="x-p"/>